ஸ்டேட் வங்கி ஓய்வூதியர் புதிய மருத்துவ காப்பீட்டு திட்டம்

நேற்று (09.ஜனவரி.2016, சனிக்கிழமை) மாலை திருச்சியில் பாரத ஸ்டேட் வங்கி ஓய்வூதியர் நலச் சங்கம் (STATE BANK OF INDIA PENSIONERS’ ASSOCIATION) நடத்திய, சிறப்பு கூட்டம், திருச்சிராப்பள்ளி கிளையில் நடைபெற்றது. உறுப்பினர் என்ற முறையில் அந்த கூட்டத்தில் கலந்து கொண்டேன். இறை வணக்கத்தோடு கூட்டம் தொடங்கியது. திருச்சி மண்டல செயலாளர்  திரு V கிருஷ்ணன் அவர்கள் அனைவரையும் வரவேற்றார். SBI  திருச்சி மண்டல மேலாளர் மற்றும் திருச்சி கிளையின் உதவி பொது மேலாளர் ஆகியோர் துவக்க உரை நிகழ்த்தினர்.

ஸ்டேட் பாங்க் ஆப் இந்தியா, தனது ஓய்வு பெற்ற ஊழியர்களுக்கான புதிய மருத்துவ காப்பீட்டு திட்டம் ஒன்றை அறிமுகம் செய்துள்ளது. இதில் GROUP MEDICLAIM POLICY ‘A’ மற்றும் GROUP MEDICLAIM POLICY ‘B’ என்ற இரண்டு பாலிசிகள் உள்ளன. இவை FAMILY FLOATER GROUP HEALTH INSURANCE POLICIES FOR SBI RETIREES எனப்படும். இந்த திட்டம் குறித்து . திரு ஜெய கிருஷ்ணன் அவர்கள், (Officer, Retired) உரையாற்றினார். மேலும் இந்த திட்டத்தை ஸ்டேட் வங்கியுடன் இணைந்து நடத்தும் இன்சூரன்ஸ் நிறுவனம் சார்பாக இருவர் வந்திருந்து உறுப்பினர்களின் கேள்விகளுக்கு விளக்கம் தந்தனர். அப்போது எடுக்கப்பட்ட புகைப்படங்கள் கீழே. 

                                ….. புதிய மருத்துவ காப்பீட்டு திட்டம் …..

நமது பாரத ஸ்டேட் வங்கி, ஊழியர்களுக்கு அவர்களது பணிக்காலத்தில் அனைத்து விதமான மருத்துவச் செலவுகளையும் தானே ஏற்றுக் கொண்டு, நமது வங்கி ஊழியர் மற்றும் அவரது குடும்பத்தினரையும் பேணி வந்தது நமக்கெல்லாம் தெரியும். ஆனால் பணிக்காலம் முடிந்து ஓய்வு பெறும்போது முன்பு தந்தது போல வங்கி  நமக்கு உதவிட முடியவில்லை.எனினும் அவ்வப்போது சில திட்டங்களை அறிமுகப்படுத்தி விருப்பப்பட்டவரிடம் சந்தாதொகை வசூலித்து அவர்களூக்கு உதவி வந்தது. தற்போது அமுலில் இருக்கும் REMBS என்ற ஓய்வூதியர் மருத்துவ நலத் திட்டம் கடந்த பல ஆண்டுகளாக அமுலில் இருந்து வருவது தெரிந்ததே. அத்திட்டத்தில் பல அவசியமான மாற்றங்கள் செய்ய வேண்டுமென்று நாம் கூறி வந்தோம். REMBS திட்ட பலன், விருப்ப ஓய்வு பெற்றவர்களுக்கும் 60 வயதுக்கு முன் வங்கிப்பணி முடிந்து ஓய்வு பெற்றவர்களுக்கும், அவர்கள் சந்தாதொகை செலுத்த முன்வந்தபோதும் மறுக்கப்பட்டது. இந்த அநீதி களையப்பட வேண்டும் என்று நாம் நெடுங்காலமாக கோரி வந்தோம். இப்பொழுது ஒரு புதிய திட்டத்தை அமுல்படுத்தி அதன்படி நமது கோரிக்கைகளுக்கு ஓரளவு செவிசாய்த்துள்ளது நமது வங்கி. அந்த திட்டத்தின் பலனை நமது உறுப்பினர்களின் கவனத்திற்கு கொண்டு வருகிறோம்.

இந்தப் புதிய திட்டம் A பாலிசி என்றும் B பாலிசி என்றும் இரு வகைப்படும். ஏற்கனவே SBI – REMBS என்ற திட்டத்தில் உறுப்பினராக இருந்தவர்கள் புதிய A பாலிசி என்ற திட்டத்தின் உள் சேர்க்கப்படுவார்கள். ஏனையோர், அதாவது வங்கியின் மருத்துவப்பலன் திட்டத்தில் சேராதவர்கள் B பாலிசி என்ற திட்டத்தில் சேர்ந்து கொள்ளலாம். மருத்துவக் காப்பீடு தொகையை நாமே நமது விருப்பப்படி தேர்ந்தெடுத்துக் கொள்ளலாம்.. ஆனால் அதற்குண்டான பிரிமியம் தொகையை நமது கையிலிருந்து ஆண்டுதோறும் செலுத்த வேண்டும். REMBS திட்டத்தில் இருந்தவர்களுக்கு, அவர்களுக்கு உறதி அளிக்கப்பட்ட தொகை முழுவதும் தீரும்வரை வங்கியே பிரிமியம் செலுத்தும். அதன்பின் REMBS திட்டத்தில் இருந்தவர்களும் தங்களுடைய பிரிமியத்தை தாங்களே செலுத்த வேண்டும். அனைத்து உறுப்பினர்களுக்கும் பிரிமியம் தொகை ஆண்டுதோறும் மாறும். சேவைவரியும் கூடுதலாக (14.5%) செலுத்த வேண்டும். காப்புத் தொகையும் பிரிமியமும் கீழ் உள்ள அட்டவணைப்படி இந்த ஒரு வருடத்திற்கு இருக்கும் 

         

காப்புத்தொகை (லட்சத்தில்)	பிரிமியம்
3	5577
4	7282
5	9285
7.5	12677
10	16902
15	23353
20	33804
25	42255

திட்டத்தில் சேர்ந்தவர்களுக்கு ATM கார்டுபோல ஒரு அடையாள அட்டை வழங்கப்படும். அந்த அட்டையைக் கொண்டு எந்த மருத்துவமனையிலும் சிகிச்சை பெற்றுக் கொள்ளலாம். மேற்படி சிகிச்சைக்கான பில் எதுவும் கட்ட வேண்டியதில்லை. வங்கியிடம் முன்ஒப்புதல் வாங்க வேண்டியதில்லை. மருத்துவமனை இன்ஷ்யூரன்ஸ் கம்பெனியிடம் தானே பெற்றுக் கொள்ளும்.

REMBS திட்டத்தில் ஏற்கனவே உறுப்பினராக உள்ளவர்கள் புதிய திட்டத்தில் 1.4.2016 அன்று இணைக்கப்படுவார்கள். எந்தத் திட்டத்தில் இல்லாதவர்களும். குடும்ப பென்ஷன் வாங்குவோர்களும் திட்டத்தில் சேர, தாங்கள் அப்ளிகேசனை. பென்சன் வாங்கும் கிளையில் 1.1.2016 முதல் 31.3.2016குள் தர வேண்டும். இந்த அப்ளிகேசன் பாரம் வங்கி கிளையில் கிடைக்கும்.

… 63 வகையான நோய்களுக்கு மருத்துவமனையிலும், வீட்டிலிருக்கும்போதும் ஆகும் மருத்துவ செலவுகள்

… ஆயுர்வேதம், யுனானி, சித்தா, ஓமியோபதி, இயற்கை வைத்தியம் மூலமும் சிகிச்சை எடுத்துக் கொள்ளலாம். 

புதிய இன்ஷ்யுரன்ஸ் திட்டத்தில் சேர்வதற்கு கடைசிநாள் 31.03.2016

இது தொடர்பாக விரிவான சுற்றறிக்கை விரைவில் வெளியிடப்படும்.

( கட்டுரை – நன்றி: SBI ELDERS VOICE (SUPPLEMENT) 24^th DECEMBER 2015 )

( குறிப்பு: இப்போது அரசு அலுவலகங்களிலும், பொதுத்துறை நிறுவனங்களிலும், அரசு மற்றும் தனியார் வங்கிகளிலும், மற்றும் தனியார் நிறுவனங்களிலும், தங்கள் ஊழியர்களுக்கும் பணிஓய்வு பெற்ற ஊழியர்களுக்கும் புதிய மருத்துவ காப்பீட்டு திட்டத்தை அறிமுகப்படுத்தி வருகின்றன. இந்த திட்டத்தினை எல்லோரும் தெரிந்து கொள்ளவும், ஒப்பிட்டுப் பார்த்துக் கொள்ளவும் வேண்டும் என்ற நல்லெண்ணத்தின் அடிப்படையிலேயே மேலே சொன்ன கட்டுரையை இங்கு அப்படியே டைப் செய்து வெளியிட்டுள்ளேன்.)

திருச்சி – பாரத ஸ்டேட் வங்கி ஓய்வூதியர் நலச் சங்க கூட்டம் (JULY.2014)

ஸ்டேட் வங்கியில் பணிபுரிந்து ஓய்வு பெற்றவர்களின் நலனை முன்னிட்டு ”பாரத ஸ்டேட் வங்கி ஓய்வூதியர் நலச் சங்கம் (STATE BANK OF INDIA PENSIONERS’ ASSOCIATION) ” இயங்கி வருகிறது. மேலும் சங்கத்தின் சார்பாக உறுப்பினர்களுக்காக SBI ELDERS VOICE என்ற மாதப் பத்திரிகையும் வெளிவந்து கொண்டு இருக்கிறது. இந்த சங்கத்தின் உறுப்பினர் என்ற முறையில் எனக்கு அழைப்பு வந்ததால் திருச்சியில் நேற்று (26 ஜூலை 2014) மாலை நடைபெற்ற பாரத ஸ்டேட் வங்கி ஓய்வூதியர் நலச் சங்கம் (STATE BANK OF INDIA PENSIONERS’ ASSOCIATION)  கூட்டத்திற்கு சென்று வந்தேன்.

கூட்டம் , ஸ்டேட் வங்கி, திருச்சிராப்பள்ளி கிளையில் நடைபெற்றது. திருச்சி மண்டல செயலாளர்  திரு V கிருஷ்ணன் அவர்கள் அனைவரையும் வரவேற்றார். SBI  உதவி பொது மேலாளர் S. சீனிவாச ராகவன் தலைமை தாங்க, திருமதி சரஸ்வதி அவர்கள் இறை வணக்கம் பாட கூட்டம் இனிதே தொடங்கியது.

(படம் மேலே) SBI திருச்சிராப்பள்ளி கிளை

(படம் மேலே)  இறை வணக்கம்

முன்னதாக 80 வயது நிறைவடைந்த சங்க உறுப்பினர்களுக்கு பொன்னாடை போற்றி கவரவிக்கப் பட்டது. ( 80 வயது நிரம்பிய கூட்டத்திற்கு வர இயலாத உறுப்பினர்களுக்கு அவர்கள் வீட்டிற்கே சென்று பொன்னாடை போர்த்தியதாக திருச்சி மண்டல செயலாளர்  திரு V கிருஷ்ணன் அவர்கள் தெரிவித்தார் ) திரு K.கோமதிநாயகம் (SBI CHIEF MANAGER (HR) , V.R.உதயசங்கர் (துணைத் தலைவர்), M. அசோக் (மண்டலச் செயலாளர், SBOA), திரு R. டேவிட் ஜெயகர் ராய் ( துணைப் பொதுச் செயலாளர், SBSU) ஆகியோர் உரையாற்றினார்கள். சங்க உறுப்பினர்கள் திருவாளர்கள்  சிவஞானம், பாலகிருஷ்ணன், வாசுதேவன், சங்கர், ஜெயசிங்கம், ஜம்புநாதன், ராமமூர்த்தி, ஆறுமுகம், மற்றும் முனுசாமி ஆகியோர் தங்கள் கருத்துக்களைத் தெரிவித்தனர்.

கூட்டத்தில் பென்ஷன்தாரர்களின் பிரச்சினைகள் குறிப்பாக ஸ்டேட் வங்கி டிஸ்பென்சரியில் மருந்து, மாத்திரை இல்லாதது,  மெடிக்கல் பில்கள் தாமதம் ஆவது , MUTUAL WELFARE SCHEME இல் உள்ள சங்கடங்கள் பற்றி நிறைய கருத்துரைகள் சொன்னார்கள். முக்கியமாக 7-ஆவது ஊதிய ஒப்பந்த பென்சன்தாரர்களுக்கு மட்டும் அவர்களுக்குரிய பென்ஷன் தரப்படாதது குறித்து நிறையவே ஆதங்கப்பட்டார்கள். கூட்டத்தின் இறுதியில் சிறப்புரை ஆற்றிய பாரத ஸ்டேட் வங்கி ஓய்வூதியர் நலச் சங்க தலைவர் திரு H.கணபதி அவர்கள், சங்க உறுப்பினர்களின் சந்தேகங்கள் கேள்விகளுக்கான பதில்களையும், ஸ்டேட் வங்கியின் பென்ஷன் வரலாறு மற்றும் சங்கத்தின் செயல்பாடுகள் குறித்தும், கோர்ட்டில் வழக்குகள் இருக்கும் நிலைமை, வழக்குகள் போடுவதால் ஏற்படும் சாதக பாதகங்கள் குறித்தும் பேசினார்.  

கூட்டத்தின் ஆரம்பத்தில் துளசி பார்மசிஸ் A/C இந்தியா பிரைவேட் லிமிடெட் நிறுவனத்தார் இலவசமாக  இரத்த அழுத்தம், சர்க்கரை பரிசோதனை நடத்தி ஆலோசனைகள் தந்தனர். மற்றும் சங்க உறுப்பினர்களுக்கு இனிப்பு, காரம் , காப்பி இவைகளோடு நினைவுப் பரிசாக சிறிய CELLO CRUNCH INSUILATED CARRIER  வழங்கப்பட்டது. திரு அண்ணாமலை அவர்கள் நன்றியுரை கூற தேசிய கீதத்துடன் கூட்டம் இனிதே முடிவுற்றது. கூட்டத்திற்கான ஏற்பாடுகளை திருச்சி மண்டல செயலாளர்  திரு V கிருஷ்ணன் அவர்கள் சிறப்பாக செய்து இருந்தார்.

(படங்கள் மேலே) வரவேற்பாளர்கள்

  

(படம் மேலே) திருச்சி மண்டல செயலாளர்  திரு V கிருஷ்ணன் அவர்கள் வரவேற்பு

(படம் மேலே) சிறப்பு அழைப்பாளர்கள்

(படங்கள் - மேலே) கூட்டத்திற்கு வந்து இருந்தவர்கள்

(படங்கள் - மேலே) 80 வயது நிரம்பிய சங்க உறுப்பினர்களுக்கு பொன்னாடை போர்த்தப்பட்டது)

(படம் மேலே) சங்க உறுப்பினர்களுக்கு இனிப்பு, காரம் , காப்பி இவைகளோடு நினைவுப் பரிசாக சிறிய CELLO CRUNCH INSUILATED CARRIER  வழங்கப்பட்டது.

(படம் மேலே) கூட்டத்தில் ஒரு காட்சி

(படம் மேலே) SBI  உதவி பொது மேலாளர் S. சீனிவாச ராகவன் அவர்கள் தலைமை உரை

(படம் மேலே) திரு K.கோமதிநாயகம் (SBI CHIEF MANAGER (HR)

(படம் மேலே) M. அசோக் (மண்டலச் செயலாளர், SBOA) அவர்கள் உரை

 

(படம் மேலே) திரு R. டேவிட் ஜெயகர் ராய் ( துணைப் பொதுச் செயலாளர், SBSU) அவர்கள் உரை

(படம் மேலே) V.R. உதயசங்கர் (துணைத் தலைவர்) அவர்கள் உரை

(படம் மேலே) சங்க தலைவர் திரு H.கணபதி அவர்கள் சிறப்புரை

ஸ்டேட் வங்கியின் கியாஸ்க் சேவை

அண்மையில் P ராஜா என்ற தம்பி எழுதிய  காசுக்காக தனது சேவையை தாரை வார்த்த (State Bank Of India) பாரத ஸ்டேட் பாங்க்!!  http://www.uzhavan.com/2013/10/state-bank-of-india.html என்ற  பதிவினைப் படிக்க நேர்ந்தது. அதில் வங்கியில் பணம் கட்டுவது சம்பந்தமாக ஸ்டேட் வங்கியைப் பற்றி எழுதி இருந்தார்.கட்டுரையின் இறுதியில்

// ஆதலால் இனிமேல் பாரத ஸ்டேட் பாங்க் வங்கிக்கு 10000 குறைவாக கொண்டு சென்றால் அதற்கு உண்டான Transfer Charges Amount -யையும் கொண்டு செல்லுங்கள் நண்பர்களே!! //

என்று எழுதி இருந்தார். இதற்கு பதில் எழுதுவதோ அல்லது வங்கிக்கு ஆதரவாகக் கொடி பிடிப்பது  எனது வேலை இல்லை. என்றாலும் நான் ஒரு முன்னாள் ஊழியன் என்ற முறையிலும். ஸ்டேட் வங்கியில் மட்டுமே கட்டண்ம் வசூலிப்பது போன்ற எண்ணத்தை மக்கள் மத்தியில் அந்த பதிவு உருவாக்கி விடக் கூடாது என்பதாலும் அவரது பதிவில் நான் எனது கருத்துரையை

// தம்பிக்கு! நீங்கள் தவறாக புரிந்து கொண்டீர்கள் என்று நினைக்கிறேன்! உங்களுக்கு ஸ்டேட் பாங்கியில் எந்த கிளையில் கணக்கு இருக்கிறதோ அந்த கிளையிலோ அல்லது அதற்குண்டான சேவை மையத்திலோ பணம் கட்ட கட்டணம் கிடையாது. பத்தாயிரம் வரை சேவை மையத்தில் மட்டுமே கட்ட வேண்டும். ஆனால் வேறு ஒரு கிளையில் உள்ள கணக்கிற்கு பணம் செலுத்துவதற்கு மட்டுமே கட்டணம் வாங்குகிறார்கள்.. அடுத்த கிளையில் உள்ள கணக்கிற்கு கட்டணம் என்பது  எல்லா வங்கியிலும் உள்ள நடைமுறைதான். //

என்று பதிவு செய்தேன்.

எனது அனுபவம்:

எனது பெற்றோர் தனியே ஒரு வாடகை வீட்டில் இருந்து வருகிறார்கள். வீட்டின் சொந்தக்கார அம்மாள் இருப்பது சென்னையில். வாடகைப் பணத்தை சென்னையில் உள்ள சிண்டிகேட் வங்கிக்கு அவர்கள் கணக்கிற்கு அனுப்பச் சொன்னார்கள். அப்போது எங்கள் பகுதியில் அந்த வங்கியின் கிளை இல்லை. கொஞ்சம் தொலைவில் உள்ள பொன்மலை என்ற இடத்திற்குச் செல்லவேண்டும். அங்கு பணம் கட்டச் சென்றேன். வேறு ஊர் கிளை கணக்கு என்பதால் கட்டணம் வசூல் செய்தார்கள். மேலும் எப்போது அங்கு சென்றாலும் ரெயில்வே தொழிலாளர்களின் கூட்டம். ஒரு சிறு தொகையைக் கட்டுவதற்குள் அரைநாள் சென்றுவிடும். இதே தொகையை ஒரு வங்கி கணக்கின் மூலம் இன்னொரு வ்ங்கிக்கு NEFT முறையில் பரிமாற்றம் (TRANSFER)  செய்தால் கட்டணமும் குறைவு. நேரமும் மிச்சம். எனவே திருச்சியில் ஸ்டேட் வங்கியின் கிளை ஒன்றில் எனக்கு இருக்கும் கணக்கிலிருந்து, வீட்டு சொந்தக்காரர் சென்னையில் கணக்கு வைத்து இருக்கும் சிண்டிகேட் வங்கிக்கு NEFT முறையில் வாடகையை அனுப்பி வருகிறேன். அதிகத் தொகையை அனுப்பும் முறைக்கு NEFT / RTG  என்று பெயர். இந்த முறை எல்லா வங்கிகளிலும் உண்டு. கட்டணம் என்பது எல்லா  வங்கியிலும் ஒரே மாதிரி சீராக இல்லை என்பது பெரிய குறைபாடுதான். எனது ஆலோசனை என்னவென்றால் முடிந்தவரை பண பரிமாற்றத்தை தவிருங்கள் என்பதுதான்.

ஸ்டேட் வங்கியின்   கியாஸ்க் சேவை (SBI KIOSK BANKING):  

ஸ்டேட் வங்கியில் இப்போது SBI KIOSK BANKING   என்று தனியார் மூலம் (OUT SOURCING) ஒரு சேவையை தொடங்கி உள்ளனர். கியாஸ்க் ( KIOSK ) என்றால்  விற்பனை ஸ்டால்  என்று பொருள்படும். டீ ஸ்டால், நியூஸ் பேப்பர் ஸ்டால் என்று ஒரு சிறிய இடத்தில் வங்கியின் வர்த்தகத்தை செய்தல். இந்த சேவையில் உள்ள சில அம்சங்கள்  வருமாறு:

'No Frill SBI Accounts' எனப்படும் சேமிப்பிக் கணக்கை இங்கு தொடங்கிக் கொள்ளலாம். குறைந்தபட்ச இருப்பு (Minimum Balance) வைக்கத் தேவையில்லை. க்ணக்கைத் துவங்க கைரேகை மட்டுமே போதும். கணக்கில் ரூபாய் ஐம்பதாயிரம் வரை மட்டுமே கணக்கில் அதிக பட்சமாக வைத்துக் கொள்ளலாம். செக் புத்தகம் கிடையாது. பாஸ் புத்தகம் கிடையாது. கணக்கைத் துவங்கியதற்கு ஒரு அடையாள அட்டை மட்டுமே. கணக்கில் பண பரிமாற்றம் (Cash Transactions) மட்டுமே. அதிகபட்சம் ரூபாய் பத்தாயிரம் மட்டுமே. கணக்கு வைத்து இருப்பவர் மட்டுமே இதனைச் செய்ய முடியும். சேமிப்பு கணக்கில் இருக்கும் கையிருப்பிற்கு வட்டி உண்டு. கணக்கு வைத்து இருப்பவர்களுக்கு இலவசமாக ரூபாய் பத்தாயிரத்திற்கு விபத்து இன்சூரன்ஸ் பாலிசி (Personal Accident Insurance Policy) உண்டு.

மேலும் அனைத்து வகையான வங்கி கணக்குகளையும் (சேமிப்புக் கணக்கு, நடப்புக் கணக்கு, ரெக்கரிங் டெபாஸிட், பிக்ஸட் டெபாஸிட் ) தொடங்கலாம்.

கணக்கில் வரவு வைத்தல் (அதிக பட்சம் ரூபாய் பத்தாயிரம். இதற்கு கட்டணம் கிடையாது. ஆனால் மற்ற கிளையின் கணக்குகளுக்கு பணம் கட்ட  தனியே சேவைக் கட்டணம் என்று உண்டு. இங்கு உள்ள படத்தில் விவரம் காண்க.)

 

( மேலே உள்ள CASH REMITTANCE CHARGE  உங்களின் HOME BRANCH  கணக்குகளுக்கு பொருந்தாது. மற்ற கிளை கணக்குகளுக்கு மட்டுமே ) 

கணக்கில் பணம் எடுத்தல் (அதிக பட்சம் ரூபாய் பத்தாயிரம்)

மற்ற கிளைகளுக்கு பண பரிமாற்றம். (அதிக பட்சம் ரூபாய் பத்தாயிரம்)

கடன் வழங்குதல் (அதிக பட்சம் ரூபாய் பத்தாயிரம்)

(இப்போது ஒருநாளைக்கு அதிக பட்சம் ரூபாய் பத்தாயிரம் மட்டுமே நிர்ணயம் செய்யப் பட்டுள்ளது )

எங்கள் பகுதியில் உள்ள SBI KIOSK BANKING காலை ஒன்பது மணி முதல் இரவு ஏழு மணி வரை உண்டு.

'No Frill SBI Accounts' தேவைப்படாதவர்கள் தமது கணக்குகளை எப்போதும் போல வீட்டுக்கு அருகில் உள்ள SBI கிளையிலேயே தொடங்கிக் கொள்ளலாம்.

தினமலர் செய்தி:

ஸ்டேட் வங்கியின்   இந்த கியாஸ்க் சேவை குறித்து தினமலர்

( திருப்பூர் ) தந்த செய்தியின் சுருக்கம் வருமாறு.

// சுலபமாகவும், எளியமுறையிலும், எவ்வித முதலீடும் இன்றி, கணக்கு துவங்கும் "கியாஸ்க்' வங்கி திட்டத்தை ஸ்டேட் பாங்க் அறிமுகப்படுத்தி உள்ளது. பொதுவாக வங்கியில் சேமிப்பு கணக்கு துவங்க, அடையாள ஆவணங்கள் மற்றும் முதலீட்டு பணம் செலுத்த வேண்டியிருக்கும். இதனால், வறுமை கோட்டுக்கு கீழுள்ள மக்கள் வங்கி மூலம் பண பரிவர்த்தனையை மேற்கொள்வது இல்லை. ஆகவே, வங்கி சேவையை சுலபமாக்கி, அனைத்து தர மக்களும் வங்கி மூலம் பண பரிவர்த்தனையை மேற்கொள்ள வசதியாக, ஸ்டேட் பாங்க் "கியாஸ்க்' திட்டத்தை அறிமுகப்படுத்தி யுள்ளது.

இதில், நாளொன்றுக்கு 10 ஆயிரம் ரூபாய் வரை வங்கியில் இருந்து பணம் எடுக்கவும், ஆண்டுக்கு ஒரு லட்சம் வரை டெபாசிட் செய்யும் வசதி உள்ளது. இரவு 7.00 மணி வரை இந்த புதிய வகை வங்கிகள் செயல்படும். மேலும், வாரத்துக்கு இரண்டு, மூன்று முறை வாடிக்கையாளர்களின் இடத்துக்கே சென்று பண பரிமாற்றம் செய்யவும் ஏற்பாடு செய்யப் பட்டுள்ளது. இத்திட்டம் மூலம் ஆவணங்கள் இன்றி, கைரேகையை மட்டும் பதிவு செய்து வங்கி கணக்கு துவங்கலாம். இனி, எழுதப்படிக்கத் தெரியாத கிராமப் புறங்களை சேர்ந்தவர்களும் வங்கி சேவையை பயன்படுத்தலாம்.

புதிதாக கணக்கு துவங்குவோருக்கு, ஒரு வாரத் துக்கு பின், அடையாள அட்டை வழங்கப் படும். ஏ.டி.எம்., கார்டு, செக் புக், பாஸ் புக் வழங்கப்படுவதில்லை.கைரேகை வைத்து பதிவு செய்தால் மட்டுமே வாடிக்கையாளரின் சேமிப்பு கணக்கை திறக்க முடியும். முதலீடு ஏதும் இல்லாமல் இலவசமாக வங்கி கணக்கு துவங்கப்படுகிறது. ஆரம்ப நிதி மற்றும் குறைந்த பட்ச இருப்புத்தொகை தேவை யில்லை. இருப்பு தொகையை வாடிக்கை யாளர்கள் எப்போது வேண்டுமானாலும் எடுத்துக்கொள்ளலாம். குறைபட்சமாக 30, 50, 100 ரூபாய் கூட, இத்திட்டம் மூலம் சேமிப்பு கணக்கில் செலுத்தலாம். வழக்கமாக எஸ்.பி.ஐ., வங்கியில் சேமிக்க வழங்கப்படும் வட்டியே இத்திட்டத் திலும் வழங்கப்படும்.இம்முறையான வங்கி கணக்கில் இருந்து, அனைத்து எஸ்.பி.ஐ., கிளைக் கும் பணத்தை பரிமாற்றம் செய்து கொள்ளலாம். இம்மையத்தில் கணக்கு இல்லாதவர்களும், இங்கு பண முதலீடு செய்து கொள்ளலாம். //

நன்றி: http://dhinamalar.info/News_detail.asp?Id=91075

சரியா தவறா?

இப்போது அரசு மற்றும் தனியார் நிறுவன ஊழியர்கள் சம்பளம், இலவச மானியங்கள், சுய உதவிக் குழுவின் செயல்பாடுகள், பண பரிமாற்றம் அனைத்தையும் அரசு வங்கிகள் மூலமாகவே நடைமுறைப் படுத்தி வருகின்றனர். எனவே வங்கிகளின் வேலைச் சுமையை குறைக்கவும் வாடிக்கையாளர்களின் வசதிக்காகவும் பல வங்கிகள் இந்த முறையைக் கையாளுகின்றன. தனியார் வங்கிகளில் யாரும் கேள்வி கேட்பதில்லை. இந்த முறையில் உள்ள சேவைக் குறைபாடு மற்றும் சேவைக் கட்டணம் குறித்து எம்எல்ஏ ஆகவும் எம்பி ஆகவும் இருக்கும் அரசியல்வாதிகளாகிய மக்கள் பிரதிநிதிகள்தான் குரல் எழுப்ப வேண்டும்.

( குறிப்பு: இந்த பதிவுக்கும் ஸ்டேட் பாங்க் ஆப் இந்தியாவுக்கும் மற்றும் SBI KIOSK BANKING  பொறுப்பை ஏற்று நடத்தும் நிறுவனங்களுக்கும் எந்த சம்பந்தமும் கிடையாது. பொதுமக்களில் நானும் ஒருவன் என்ற முறையில் எனக்குத் தெரிந்த சில தகவல்களை நல்ல எண்ணத்தின் அடிப்படையில் பரிமாறிக் கொண்டேன் அவ்வளவுதான்.) 

கட்டுரை எழுத உதவி செய்த இணைய தளங்கள்: (நன்றியுடன்)

www.google.co.in

www.facebook.com/sbikiosk

www.myoxigen.com/sbi-kiosk.aspx

http://dhinamalar.info/News_detail.asp?Id=91075