பயணம் எங்கே?

இந்த ஆண்டு, ஜனவரியில், பயணங்கள் முடிவதில்லை – தொடர் பதிவு

http://tthamizhelango.blogspot.com/2016/01/blog-post_93.html என்ற தலைப்பில் எழுதி இருந்தேன். அதில், 

//முன்பெல்லாம் பணியில் இருக்கும்போது அடிக்கடி மேப்பை வைத்துக் கொண்டு, திருச்சியிலிருந்து எந்தெந்த மார்க்கத்தில், எந்தெந்த ஊர் வரை சென்று இருக்கிறோம், பார்த்து இருக்கிறோம் என்று பார்ப்பது வழக்கம் // 

என்று சொல்லி இருந்தேன். இது சம்பந்தமாக பதிவின் நீளத்தினைக் கருத்தில் கொண்டு சொல்லாமல் விட்ட பகுதி இங்கே.

ரெயில்வே கால அட்டவணை:

எங்கள் வீட்டில் அவ்வப்போது ரெயில்வே கால அட்டவணையை முன்பு, தமிழில் வாங்குவது வழக்கம். அந்த அட்டவணையில் ஒவ்வொரு ரெயில் மார்க்கம் வழியாகவும் ரெயில்கள் கடந்து செல்லும் ஸ்டேஷன்கள் பெயரை வரிசையாகக் குறிப்பிட்டு இருப்பார்கள்.. சின்ன வயதில் நான் சென்ற ரெயில் மார்க்க ஊர்களை அடிக்கடி சத்தம் போட்டு படிப்பேன். அதில் ஒரு மகிழ்ச்சி. இப்போது ரெயில்வே கால அட்டவணை வாங்குவதை நிறுத்தி விட்டோம்.

பயணக் கட்டுரைகள்:

பழைய தீபாவளி மலர்களில் பயணக் கட்டுரைகள் என்றால் விரும்பிப் படிப்பேன். இன்னும் நான் படித்தவைகளில் மார்க்கோபோலோவின் பயணக்குறிப்புகள், சிந்துபாதின் பயணங்கள், கலிவரின் யாத்திரை, ஏ.கே.செட்டியாரின் பயணக் கட்டுரைகள், பிலோஇருதயநாத்தின் பயண அனுபவங்கள், எஸ்.எஸ்.மணியனின் பயணக் கட்டுரைகள் படிப்பதில் ஆர்வம் காட்டி இருக்கிறேன். 

இப்போதும் வலைப்பதிவினில் பயணக் கட்டுரைகளை எழுதிவரும், துளசி டீச்சர் (துளசி கோபால் ‘துளசி தளம்’) , வெங்கட் நாகராஜ் ஆகியோரது பயணக் கட்டுரைகளை (அழகிய வண்ணப் படங்களுடன்)  ரசிப்பவன் நான்.  மேலும் மூத்த வலைப்பதிவர்கள், G.M.B. எனப்படும் ஜீ.எம்.பாலசுப்ரமணியம், V.G.K (வை.கோபாலகிருஷ்ணன் ) மற்றும் V.N.S. எனப்படும் V. நடனசபாபதி ஆகியோரது பழைய பதிவுகளில் வந்த பயணக் கட்டுரைகள் பற்றியும் இங்கு குறிப்பிட வேண்டியது அவசியம். இவர்களில் துளசி டீச்சர் (துளசி கோபால்) அவர்களது நகைச்சுவையுடன் கூடிய பயண எழுத்து நடையை ரொம்பவே ரசிப்பதுண்டு. நானும் ஒரு சில, சிறு பயணங்கள் குறித்து வலைப்பதிவில் எழுதி இருக்கிறேன்.

.

இதுவரை சென்றுள்ள ஊர்கள்:

கீழே சொல்லப்பட்டுள்ள ஒவ்வொரு ஊருக்கும் ஏதேனும் ஒரு நிகழ்ச்சிக்காகவோ அல்லது உறவினர் வீட்டு நிகழ்ச்சிகளுக்காகவோ பஸ்ஸிலோ ,ரெயிலிலோ, வாடகைக் காரிலோ அல்லது வேனிலோ சென்று இருக்கிறேன். (இங்கு சொன்னவற்றுள், பல ஊர்கள் விட்டுப் போயிருக்கலாம்) இந்த ஊர்களுக்கு செல்லும் போதெல்லாம், வழித்தடத்தில் உள்ள மற்ற ஊர்களை பயணத்தின் போது  பார்த்ததோடு சரி.

திருச்சி To சென்னை மார்க்கம் > திருவானைக் கோவில், ஸ்ரீரங்கம், சமயபுரம், (சமயபுரத்திலிருந்து ஆதி சமயபுரம், புதூர் உத்தமனூர், புரத்தாகுடி, சங்கேந்தி, வெள்ளனூர்)  சிறுவாச்சூர், பெரம்பலூர், உளுந்தூர் பேட்டை, விழுப்புரம், தாம்பரம், சென்னை, மீஞ்சூர் (மேலும் பெரம்பலூரிலிருந்து ஆத்தூர் மற்றும் விழுப்புரத்திலிருந்து > வேலூர், திருப்பதி ) (மேலும் லால்குடி, புள்ளம்பாடி, (டால்மியாபுரம், மேல அரசூர், கீழ அரசூர்) ,(விரகாலூர், திண்ணாகுளம், செம்பியக்குடி) இலந்தைக் கூடம், கண்டீரா தீர்த்தம்) திருமழபாடி, திருமானூர், அரியலூர், கல்லங்குறிச்சி) (மேலும் லப்பைக்குடிகாடு, திட்டக்குடி, விருத்தாசலம், கடலூர், நெய்வேலி, பாண்டிச்சேரி)

திருச்சி To நாகப்பட்டினம் மார்க்கம் > திருவெறும்பூர், (கல்லணை, கோயிலடி, திருக்காட்டுப்பள்ளி, பூண்டி மாதா கோவில், கூத்தூர், புதகிரி, மகாராஜபுரம், வைத்தியனாதன் பேட்டை, திருவையாறு, விளாங்குடி, காருகுடி, திருக்கருகாவூர்,  ) செங்கிப்பட்டி, (பூதலூர், சித்திரக்குடி, கள்ளபெரம்பூர்) வல்லம், தஞ்சாவூர், அம்மாபேட்டை, நீடாமங்கலம், நாகப்பட்டினம், வேளாங்கண்ணி, நாகூர், காரைக்கால், திருநள்ளார் (கந்தர்வ கோட்டை) (பட்டுக்கோட்டை, மனோரா) (கபிஸ்தலம், சுவாமிமலை, பாபநாசம், கும்பகோணம், மயிலாடுதுறை, சீர்காழி, சிதம்பரம்,வைத்தீஸ்வரன் கோயில், தென்னிலை, பூம்புகார்,)

திருச்சி To பெங்களூர் மார்க்கம் > முசிறி, (மேலும் மண்ணச்ச நல்லூர், துறையூர், புளியஞ்சோலை) நாமக்கல், (கொல்லிமலை, திருச்செங்கோடு, எடப்பாடி) சேலம், (மேட்டூர் டாம்) தர்மபுரி, பெங்களூர் (மேலும் பெங்களூரிலிருந்து பெல்காம், கோவா) 

திருச்சி To கோவை மார்க்கம் > குளித்தலை, கரூர், (ஈரோடு) கோயம்புத்தூர், மருதமலை.

திருச்சி To திருநெல்வேலி மார்க்கம் > விராலிமலை, துவரங்குறிச்சி, மதுரை, பாளையங்கோட்டை, திருநெல்வேலி.

திருச்சி To தனுஷ்கோடி மார்க்கம் > கீரனூர், புதுக்கோட்டை, ராமநாதபுரம், மண்டபம், ராமேஸ்வரம், தனுஷ்கோடி( மேலும் புதுக்கோட்டையிலிருந்து > (பொன்னமராவதி) (ஆலங்குடி,அறந்தாங்கி) செட்டிநாடு, காரைக்குடி, தேவகோட்டை, திருவாடனை, தொண்டி)

திருச்சி To திண்டுக்கல் மார்க்கம் > மணப்பாறை, வையம்பட்டி, (பொன்னணியாறு டாம்), திண்டுக்கல், ஒட்டன்சத்திரம், (பழனி, கொடைக்கானல்) செம்பட்டி, தேனி, வீரபாண்டி, போடிநாயக்கனூர், காமநாயக்கன்பட்டி

பயணம் எங்கே?

ஒவ்வொரு ஊரிலும் ஒவ்வொரு அனுபவம். இப்போதும் வாய்ப்பு அமையும் போதெல்லாம் , வெளியூர் பயணம் செல்கிறேன். ஆனால் தொலைதூர பயணங்கள் இல்லை. இது ஒரு பெரிய விஷயமா? இதைப் போய் ஒரு பதிவாக எழுத வேண்டுமா என்று நண்பர்கள் நினைக்கலாம். ஆனால் அடிக்கடி பயணம் என்பதில் உள்ள சுவாரஸ்யமும் , பொறுப்புகளும், கஷ்டமும் அவரவர்களுக்கு மட்டுமே தெரியும் என்பதாலும், இப்போதைக்கு எழுத வேறு தலைப்பு இல்லாத படியினாலும், ஏற்கனவே எழுதி வைத்த   இந்த பதிவு.
                                                        
                    (PICTURES COURTESY: GOOGLE IMAGES)

தொடரும் தொடர் பதிவர்கள்

அண்மையில் மரியாதைக்குரிய ஆசிரியர் முத்துநிலவன் அவர்கள் ‘ தொடரும் தொடர் பதிவர்கள் http://valarumkavithai.blogspot.com/2016/02/blog-post_87.html ’ - என்ற பதிவினில், ”ஓவ்வொருவரும் மூத்தவர் சிலரையும், அறிமுகப்படுத்தவேண்டிய இளையவர் சிலரையும் (எண் பெரிதல்ல) தமது வலைப்பக்கத்தில் தொடராக அறிமுகப்படுத்தலாமே ” என்று வினவி, தொடர வேண்டிய பதிவர்கள் வரிசையில் என் பெயரையும் குறிப்பிட்டு இருந்தார். அவரது அன்புக் கட்டளைக்கு இணங்க இந்த பதிவு. ஏற்கனவே வலைச்சரத்தில் பல பதிவர்களைப் பற்றி நான் குறிப்பிட்டு இருப்பதால், அவர்களை விடுத்து (எல்லோரையும் பற்றி சொல்ல இதயத்தில் இடம் இருந்தும் வலைப்பதிவில் இடம் இல்லாததால்) மற்றவர்களுள் சிலரை மட்டும் இங்கு அறிமுகப்படுத்துகிறேன்.

பொதுவாகவே எனக்கு ஒரு வலைப்பதிவரின் எழுத்துக்கள் பிடித்துப் போனால், அவரது வலைத்தளத்தில் உள்ள அனைத்துப் பதிவுகளையும் ஆரம்பத்திலிருந்து, நேரம் கிடைக்கும் போதெல்லாம் படித்து விடுவேன். இங்கு நான் குறிப்பிடும் அனைவருமே எனக்கு பிடித்தமான வலைப்பதிவர்கள்தான் என்பதனை சொல்ல வேண்டியதில்லை.எடுத்துக் காட்டுகளாக ஒவ்வொருவர் பதிவிலிருந்தும் சில பதிவுகளை சுட்டிகளாக இணைத்துள்ளேன். 

வெடிவால் http://vedivaal.blogspot.in

 

’வெடிவால்’ என்ற வலைத்தளத்தில் சகாதேவன் என்ற பெயரில் எழுதும் வலைப்பதிவருக்கு பெற்றோர் வைத்த பெயர். சோ. வடிவேல் முருகன். எனக்கு பிடித்தமான வலைப்பதிவர்களுள் ஒருவர். அதிலும் இவர் என்னை விட மூத்தவர் என்பதால், நெல்லையைச் சேர்ந்த இவர் எழுதிய சுவாரஸ்யமான அந்த காலத்து மலரும் நினைவுகளை ஆர்வமாகவே படித்தேன். அவருடைய அனுபவப் பதிவுகள் இவை.

கல்யாண சமையல் சாதம் http://vedivaal.blogspot.in/2007/12/blog-post.html

தித்திப்பான பத்து விஷயங்கள் http://vedivaal.blogspot.in/2008/06/blog-post_24.html

ஜெமினியும் நாங்களும் http://vedivaal.blogspot.in/2013/10/blog-post.html

ரஜினியை விட்டுருங்கப்பா http://vedivaal.blogspot.in/2013/12/blog-post.html

 

இப்போது ‘வெடிவால்’ சகாதேவன் அவர்கள் வலைப்பதிவில் ஏனோ எழுதுவதில்லை. (மேலும் ஒரு சுவாரஸ்யமான ஒரு தகவல் என்னவெனில், இவரைத் தவிர இவரது குடும்பத்தில் நானானி (http://9-west.blogspot.in ), கோமா என்கிற கோமதி நடராஜன் (http://haasya-rasam.blogspot.in ) மற்றும் ராமலஷ்மி (http://tamilamudam.blogspot.in) என்று மூன்று பதிவர்கள்)

எண்ணங்கள் http://sivamgss.blogspot.in

 

‘எண்ணங்கள்’ என்ற இந்த பதிவினை எழுதி வரும் திருமதி கீதா சாம்பசிவம் அவர்களை, அண்மையில் ஸ்ரீரங்கத்தில் அவரது இல்லத்தில் நடைபெற்ற வலைப்பதிவர் சந்திப்பினில் சந்தித்தேன். தானுண்டு தன் வலைப்பதிவுகள் உண்டு என்று எழுதிக் கொண்டு இருப்பவர். தமிழ் மரபு அறக்கட்டளை (TAMIL HERITAGE FOUNDATION) இல் Mintamil Moderators களில் இவரும் ஒருவர்.

பயணங்கள் முடிவதில்லை-- தொடர் பதிவு  http://sivamgss.blogspot.in/2016/01/blog-post_92.html

சில, பல விளம்பரங்கள்! http://sivamgss.blogspot.in/2015/11/blog-post_27.html

பெண்களே உங்கள் தேவைதான் என்ன! :) http://sivamgss.blogspot.in/2014/03/blog-post_8.html

பொண்ணு வந்தா, பொண்ணு வந்தா பொட்டி வண்டியிலே!(கல்யாணப் பதிவுகள்)  http://sivamgss.blogspot.in/2013/08/blog-post.html

 

அமுதவன் பக்கங்கள் http://amudhavan.blogspot.com

 

எனக்குப் பிடித்த இன்னொரு மூத்த வலைப்பதிவர் மரியாதைக்குரிய அமுதவன் அவர்கள். இவரது சொந்த ஊர் திருச்சி. தற்போது வசிப்பது பெங்களூரில். சிறந்த எழுத்தாளர். இவர் வலைப்பதிவில் எழுதும் அரசியல், சினிமா கட்டுரைகள் எனது ஆர்வமான வாசிப்புகள். சில வலைப்பதிவுகள் கீழே

சிவாஜிகணேசன் யார்? http://amudhavan.blogspot.com/2014/07/blog-post_22.html 
சிக்மகளூரில் ஒரு நாள்! http://amudhavan.blogspot.com/2012/01/blog-post.html 

நீல்கிரீஸும் பில்லியர்ட்ஸும் சென்னியப்பனும் http://amudhavan.blogspot.com/2011/09/blog-post_26.html

 

வளரும் கவிதை http://valarumkavithai.blogspot.com 

  

மரியாதைக்குரிய ஆசிரியர் புதுக்கோட்டை நா.முத்துநிலவன் அவர்கள் பற்றி இங்கு (தமிழ் வலையுலகில்) அறிமுகமே தேவையில்லை. அண்மையில் புதுக்கோட்டையில் . . 2015 அன்று நடைபெற்ற வலைப்பதிவர் மாநாட்டை தனது ஒருங்கிணைப்பின் கீழ் சிறப்பாக நடத்திக் காட்டியவர். இவரை புதுக்கோட்டையில் நானும் ஒரு வலைப்பதிவர் என்ற முறையில் அடிக்கடி சந்தித்து இருக்கிறேன். அய்யாவின் பதிவுகளுள் சிலவற்றை இங்கே. சுட்டியுள்ளேன்.

“புத்தகம் பேசுது“ - இதழில் நா.முத்துநிலவன் நேர்காணல் http://valarumkavithai.blogspot.com/2015/12/blog-post_11.html

இன்றென் வயதோ அறுபது... http://valarumkavithai.blogspot.com/2015/05/blog-post_11.html

எழுத்தாளர்க்கு அவசியமான சில குறிப்புகள் http://valarumkavithai.blogspot.com/2015/04/blog-post_28.html 

தொல்காப்பியர் பெற்றிருக்க வேண்டிய நோபல் பரிசு! http://valarumkavithai.blogspot.com/2015/04/blog-post_26.html

தஞ்சையம்பதி http://thanjavur14.blogspot.in

 

தஞ்சையம்பதி என்ற இந்த வலைத்தளத்தின் ஆசிரியர் துரை.செல்வராஜூ அவர்கள். தற்சமயம் வளைகுடா நாடாகிய குவைத்தில் கேட்டரிங் நிறுவனம் ஒன்றில் பணி.புரிந்து வருகிறார். மேலும் தஞ்சையில் Netcafe + DTP Works சம்பந்தப்பட்ட தொழிலிலும் இருக்கும் இவர் குவைத்திற்கும் இந்தியாவுக்குமாக பறந்து கொண்டு இருக்கிறார். ஆன்மீகப் பற்றும் தேசப்பற்றும் மிக்க இவரது வலைத்தளத்தில், இது சம்பந்தமாக நிறையவே எதிர் பார்க்கலாம்.

அவன்தான் அரசன் http://thanjavur14.blogspot.in/2015/12/blog-post6-Grand-Anaicut-.html

தென்குடித் திட்டை http://thanjavur14.blogspot.in/2015/11/blog-post68-Thittai-.html

மாதங்கம் என்றேன் http://thanjavur14.blogspot.in/2015/08/blog-post12-elephant-day-.html

பெருந்தலைவர் http://thanjavur14.blogspot.in/2015/07/blog-post15-kamarajar-.html 

ஊமைக்கனவுகள் http://oomaikkanavugal.blogspot.com

 

’ஊமைக்கனவுகள்’ என்ற வலைத்தள ஆசிரியர் தனியார் பள்ளியில் பணிபுரியும் ஆங்கில ஆசிரியர். பெயர் ஜோசப் விஜு. மிகவும் தன்னடக்கமானவர். தன்னை வெளிக்காட்டிக் கொள்ள விரும்பாதவர். இவரை முதன் முதலாக நான், புதுக்கோட்டையில் நடைபெற்ற இணையபயிற்சி வகுப்பில் சந்தித்தேன்; அப்புறம் இவரது பள்ளிக்கே சென்று இவரை பார்த்து இருக்கிறேன். இவரது சில கட்டுரைகளுக்கான சுட்டிகள் இங்கே.

யாப்புச் சூக்குமம். http://oomaikkanavugal.blogspot.com/2014/11/blog-post.html

நூறாவது பதிவும் கலைந்த கனவுகளும். http://oomaikkanavugal.blogspot.com/2015/05/blog-post_2.html

‘ங்‘ சொல்வது என்ன? http://oomaikkanavugal.blogspot.com/2014/12/blog-post_29.html

தி இந்து நாளிதழின் கட்டுரையும் எழுத்துத் திருட்டும்... http://oomaikkanavugal.blogspot.com/2014/11/blog-post_29.html

 

மணவை http://manavaijamestamilpandit.blogspot.com

 

இந்த வலைத்தளத்தின் ஆசிரியர் மணவை ஜேம்ஸ் அவர்கள் , ஜோசப்விஜூ அவர்கள் பணிபுரியும் தனியார் பள்ளியிலேயே தமிழ் ஆசிரியராக இருக்கிறார். இவரை மதுரை வலைப்பதிவர் சந்திப்பிலும், பின்னர் விபத்தில் சிக்கிய இவரை நலன் விசாரிக்க சென்றபோது பள்ளியிலும் சந்தித்து இருக்கிறேன். சிறந்த கவிஞர்; தமிழ் மீதும் கலைஞர் மீதும் மிகுந்த பற்று உள்ளவர். இவர் எழுதிய பதிவுகளில் சில இங்கே.

நான் சிக்கிய விபத்தும் சில படிப்பினைகளும்...! http://manavaijamestamilpandit.blogspot.com/2015/07/blog-post_79.html

கவியரசு கண்ணதாசன்...! http://manavaijamestamilpandit.blogspot.com/2014/08/blog-post_29.html

 

மலர்த்தரு www.malartharu.org & மகிழ்நிறை http://makizhnirai.blogspot.com

 

(படம் - மேலே) வெங்கட் நாகராஜ் (நடுவில்) அவர்களுடன் மைதிலி மற்றும் கஸ்தூரி ரெங்கன். - படம் நன்றி: மகிழ்நிறை)

தமிழ் வலையுலகில் மது என்கிற கஸ்தூரி ரெங்கன் - மைதிலி ஆகிய புதுக்கோட்டை வலைத் தம்பதியர் இருவருமே ஆசிரியர்கள் என்பது தனிச் சிறப்பு. இருவரது பதிவிலும் பள்ளிக்கூட பிள்ளைகள் பற்றிய இவர்களது ஆதங்கத்தை அதிகம் படிக்கலாம். இவர்கள் இருவரையும் மணப்பாறையிலும், புதுக்கோட்டையிலும் சந்தித்து இருக்கிறேன்.

மது என்கிற கஸ்தூரி ரெங்கன் அவர்கள் தனியார் பள்ளி ஆங்கில ஆசிரியர். ஆங்கில இலக்கியம், சினிமா இரண்டிலும் ஆர்வம் மிக்கவர். அடிக்கடி ‘முகநூல் இற்றைகள் என்று பகிர்ந்து கொள்ளுவார். 

அருட் பெரும்ஜோதி தனிப்பெருங்கருணை http://www.malartharu.org/2015/08/arutperumjothi-thaniperumkarunai.html

என்ன ஆனது பதிவர்களுக்கு ? http://www.malartharu.org/2015/07/what-happened-to-bloggers.html

ஒரு வார்த்தை புதிதாக -ப்ரோஆக்டிவ்னஸ் (Proactiveness) http://www.malartharu.org/2015/05/proactiveness.html

எவன் பெரிய சாதி...? http://www.malartharu.org/2013/10/blog-post_6.html

 

சகோதரி மைதிலி கஸ்தூரி ரெங்கன் அவர்களது பதிவுகளிலும், பின்னூட்டங்களிலும், இளம் பதிவர்களுக்கே உரிய கிண்டலையும் கேலியையும் நிரம்பக் காணலாம். 

பெற்றோர் தவற விடக்கூடாத ஒரு நூல்! http://makizhnirai.blogspot.com/2014/10/what-is-motive-of-real-education.html

வசனங்களால் வாழும் வடிவேலு http://makizhnirai.blogspot.com/2014/08/commedy-trend-setter-vadivelu.html  

                                                                   xxxxxxxxxxxxx

மேலே குறிப்பிட்ட வலைப்பதிவர்களையே (ஆசிரியர் நா.முத்துவேலன் அவர்களைத் தவிர, மற்றவர்களை) இந்த தொடர் பதிவை எழுத அன்புடன் அழைக்கின்றேன்.

திரு V.G.K.அவர்களுக்கு ஒரு வேண்டுகோள்

                                    (படம் மேலே) நானும் திரு V.G.K. அவர்களும்)

அண்மையில் எனது வலைத்தளத்தில் திரு வை.கோபாலகிருஷ்ணன் அவர்களது ’பயணங்கள் முடிவதில்லை’ - By VGK  என்ற பதிவு வெளியானது குறித்து  http://tthamizhelango.blogspot.com/2016/01/by-vgk.html பலருக்கும் மனதில் பல கேள்விகள் உதித்து இருக்கும் போல. ஏனெனில்,

// பூந்தளிர்Saturday, January 30, 2016 10:39:00 am

 

அப்பப்பா ..... எவ்வளவு ஜோரா எழுதியிருக்கீங்க. தினமும் உங்க வலைப்பதிவுப் பக்கம் நான் வந்து, ஏதேனும் புதிய பதிவு இருக்கான்னு ஆசையாப் பார்த்து பார்த்து ஏமாந்து போவது என் வழக்கம். இதை ஏன் இங்கே இவரின் வலைத்தளத்தில் வெளியிடச் சொன்னீங்களோ ... எனக்குப் புரியலை. //

// ஸ்ரத்தா, ஸபுரி...Saturday, January 30, 2016 11:29:00 am 

கோபால் சார் பதிவு என்றாலே கலர் ஃபுல்லா ரசனையுடன் படிக்க நிறைய விஷயங்கள் இருக்கும். இங்கயும் சூப்பரான படங்கல் சுவாரசியமான பயண அனுபவங்கள் சிரிக்கவும் ரசிக்கவும் வைக்கிறது. நார்த் ஸௌத் எல்லா இடங்கலும் சுத்தி பார்த்து நன்கு எஞ்சாய் பண்ணியிருக்கீங்க. இந்தப்பதிவை ஏன் உங்க பக்கம் ப்போடலே. தமிழ் இளங்கோ சார் அவர்கலுக்கு தான் நன்றி சொல்லனும். விடாப்பிடியாக உங்களை தொடர் பதிவு எழுத வச்சுட்டாங்களே. எங்க படிச்சா என்ன கோபால் சாரின் பதிவுகள் படிக்க எல்லாருமே ஓடி வந்து விடுவோமே. //

என்று கருத்துரை எழுதி இருந்தனர். எனவே இது சம்பந்தமாக சில விளக்கங்கள் இங்கே வெளியிடுவது அவசியமாகிறது.

எனது மின்னஞ்சல்:

இந்த பதிவு விஷயமாக முதன்முதல் அவருக்கு அனுப்பிய மின்னஞ்சல் இதுதான்.

// அன்புள்ள V.G.K அவர்களுக்கு வணக்கம்! இப்போது வலைப்பக்கம் நிறையபேர் எழுதுவதில்லை. அதிலும் குறிப்பாக மின்னல் வரிகள் கணேஷ் போன்றோர் வலைப்பக்கம் வருவதே இல்லை. ஃபேஸ்புக் பக்கம் போய்விட்டார்கள் என்று நினைக்கிறேன். எனவே நண்பர்களையும், மூத்த வலைப்பதிவர்களையும் ஊக்குவிக்க வேண்டும் என்பதால், அந்த பத்து கேள்விகளூக்கான பதில்களோடு அவசியம் ஒரு பத்துபேரை தொடர் பதிவை எழுத அழைத்து, பயணங்கள் முடிவதில்லை என்ற தொடர் பதிவை எழுதுமாறு கேட்டுக் கொள்கிறேன்.

அன்புடன் – தி.தமிழ் இளங்கோ 26.01.16 //

திரு V.G.K. அவர்களது கட்டுரை:

அவரும் “பல்வேறு காரணங்களால் என் வலைத்தளத்தினில் புதிய பதிவுகள் கொடுக்க எனக்குத் தற்சமயம் விருப்பம் இல்லை” என்று மேலே சொன்ன கட்டுரையையும், அவரது படங்களையும்  எனது வலைத்தளத்தில் வெளியிடச் சொல்லி மின்னஞ்சல் வழியே அனுப்பி வைத்தார். எனக்கு இதில் உடன்பாடு இல்லை. எனவே மீண்டும் இதற்கு. நான் ஒரு மின்னஞ்சல்  அனுப்பி வைத்தேன். அது இது (கீழே)

// அன்புள்ள V.G.K அவர்களுக்கு வணக்கம். மின்னஞ்சலையும் இணைப்பையும் இப்போதுதான் பார்த்தேன். இந்த கட்டுரையை உங்கள் வலைத்தளத்தில் வெளியிடுவதுதான் முறை. உங்களுக்கென்று ஒரு வாசகர் வட்டம் இருக்கிறது. நான் வெளியிடுவது சரியன்று. நன்றி!

அன்புடன் – தி.தமிழ் இளங்கோ

நாள்: 28.01.2016 //

   

எனினும் அவரது அன்பு வேண்டுகோளை என்னால் தட்டிச் செல்ல விரும்பவில்லை: எனவே அவரது பதிவினை இந்த எனது வலைத்தளத்தில் வெளியிட்டேன். மேலும், அவருடைய பதிவு என்பதால், நான் மறுமொழிகள் தர விருப்பப்படவில்லை. அவசியமான, முக்கியமான ஓரிரு பின்னூட்டங்களுக்கு மட்டும் நான் எனது மறுமொழிகளை எழுதி இருக்கிறேன். தொடர்ந்து அவரும் இன்னும் மறுமொழிகள்  எழுதிக் கொண்டு இருக்கிறார்.

வாசகர்கள் விருப்பம்:

இந்த பதிவினுக்கு இதுவரை மொத்தம் 127 கருத்துரைகளும் (மறுமொழிகளையும் சேர்த்து) 561 பார்வையாளர்களும் வந்துள்ளதாக DASHBOARD இல் புள்ளி விவரங்கள் தெரிவிக்கின்றன. 

நான் முன்பே குறிப்பிட்டது போல ஒவ்வொருவருக்கும் ஒரு வாசகர் வட்டம் இருக்கிறது. எல்லா விவரங்களையும் வைத்துப் பார்க்கும் போது திரு V.G.K. அவர்களின் வாசகர்கள், அவரது தளத்திலேயே தொடர்ந்து எழுதவும், அவர்களது கருத்துரைகளை அவரது தளத்தில் எழுதவுமே விரும்புகிறார்கள் என்று தெரிய வருகிறது. மேலும் அவரது மறுமொழிகளிலிருந்து அவருக்குள் இருக்கும் எழுதும் ஆர்வத்தையும் உணர முடிகிறது. 

எனவே அவர் தொடர்ச்சியாக எழுதா விட்டாலும், அவ்வப்போது அவர் தனது வலைத்தளத்தில் வாசகர்கள் விருப்பத்திற்கு இணங்க எழுத வேண்டும் என்று கேட்டுக் கொள்கிறேன். மேலும் இங்கே எனது வலைத்தளத்தில் வெளியிடப்பட்ட , மேலே சொன்ன அவரது கட்டுரையையும், படங்களையும் , வாசகர்களின் அனைத்து பின்னூட்டங்களையும் மற்றும் மறுமொழிகளையும் அவரது வலைத்தளத்தில் அப்படியே மீண்டும் வெளியிட்டு தொடர வேண்டும் எனவும் கேட்டுக் கொள்கிறேன். (ஏனெனில் வலையுலக நண்பர்கள் அடிக்கடி சொல்லும் வாசகம் இது “வரலாறு முக்கியம் நண்பரே”)

இதுபற்றி நண்பர்கள் யாவரும் தங்களது கருத்துக்களைச் சொல்லலாம்.