எனது எண்ணங்கள் ENATHU ENNANGKAL: ’பயணங்கள் முடிவதில்லை’

Thursday, 28 January 2016

’பயணங்கள் முடிவதில்லை’ - By VGK

’பயணங்கள் முடிவதில்லை’ - By VGK

(மூத்த வலைப்பதிவர் அய்யா திரு VGK (http://gopu1949.blogspot.in வை.கோபாலகிருஷ்ணன்) அவர்கள் “பல்வேறு காரணங்களால் என் வலைத்தளத்தினில் புதிய பதிவுகள் கொடுக்க எனக்குத் தற்சமயம் விருப்பம் இல்லை” என்று கீழே உள்ள கட்டுரையை எனது வலைத்தளத்தில் வெளியிடச் சொல்லி மின்னஞ்சல் வழியே அனுப்பி வைத்துள்ளார். அவரது விருப்பப்படி அதனை அப்படியே இங்கு வெளியிட்டுளேன்)

’பயணங்கள் முடிவதில்லை’

தொடர்பதிவு

By வை. கோபாலகிருஷ்ணன்

எனது அருமை நண்பர்

திருச்சி திருமழபாடி திரு. தி. தமிழ் இளங்கோ

அவர்களின் அன்புக்கட்டளைக்காக

எழுதி அனுப்பப்பட்டுள்ளது.

Reference:

http://tthamizhelango.blogspot.com/2016/01/blog-post_93.html

1.பயணங்களில் ரயில் பயணம் எப்போதும் அலாதி தான். உங்கள் முதல் ரயில் பயணம் எப்போது என நினைவிருக்கிறதா?

என் பெரிய அக்காவுக்கு, திருச்சி-தஞ்சை மார்க்கத்தில், தஞ்சாவூர் பக்கம் சூலமங்கலம் என்ற கிராமத்தில் 1954 இல் திருமணம் நடைபெற்றது. அப்போது எனக்கு 4 அல்லது 5 வயது மட்டுமே. எனக்கு உடல்நிலை சரியில்லாமல் கடும் ஜுரமாகவும் அப்போது இருந்துள்ளது. திருச்சியிலிருந்து ரயிலில் திருமண சாமான் - சட்டிகளுடன் என்னையும் என் வீட்டார் சூலமங்கலம் கிராமத்திற்குக் கூட்டிப்போனார்கள். திருமண சாமான்களை அவசர அவசரமாக ரயிலிலிருந்து இறக்கும் போது என்னையும் ஒரு மூட்டை போல நினைத்து தொப்பென்று கீழே போட்டார்கள். அது எனக்கும் இன்னும் நன்கு நினைவில் உள்ளது.

2. மறக்கமுடியாத மகிழ்ச்சியான பயணம் எது?

(1)

என் 25வது வயதில், 1975 டிஸம்பர் மாதம் என் அலுவலக நண்பர்கள் சிலருடன் (என்னையும் சேர்த்து மொத்தம் ஆறு ஆண்கள் மட்டுமே) சென்னை, மும்பை, கோவா, பெங்களூர், மைசூர் போன்ற இடங்களுக்கு முதல் LTC யில் சென்று வந்தேன். நான், முருகன், ராஜேந்திரன், சிவலிங்கம், வேலு என நாங்கள் ஐவரும் நெருங்கிய நண்பர்கள். வேலுவின் நண்பர் என்ற முறையில் எங்களுக்கு அதிக அறிமுகம் இல்லாத மற்றொருவர் .... அவர் பெயரை ‘ரவி’ என நாம் இங்கே வைத்துக்கொள்வோம்.

சென்னை to மும்பை தனி கூபேயில் நாங்கள் ஆறுபேர்கள் மட்டுமே ஜாலியாகச் சென்றோம்.

மும்பை to கோவா 24 மணி நேரப்பயணமாக முதன் முதலாக கப்பலில் ஏறிச்சென்றோம். கோவாவில் நடுக்கடலில் கப்பலிலிருந்து இறங்கி ஸ்டீம் போட்டில் பயணம் செய்து கோவாவின் தலைநகர் பனாஜியின் கரையை அடைந்தோம்.

மும்பையிலும் கோவாவிலும் பல இடங்களைச் சுற்றி மகிழ்ந்தோம். ஒவ்வொன்றையும் பற்றி ஒவ்வொரு தனிப்பதிவே எழுதக்கூடிய அளவுக்கு, ஏராளமான நகைச்சுவைச் சம்பவங்கள் நிகழ்ந்த, மிகவும் இனிய பயணம் அது.

அவற்றில் மறக்க முடியாத ஒரு சின்ன சம்பவம்:

தமிழும் சரளமான ஹிந்தியும் தெரிந்த வழிகாட்டி ஒருவருடன், நாங்கள் ஊரைச்சுற்றிப்பார்க்கும் போது, மும்பையில் ரெட்-லைட் ஏரியா என்ற மிக நீண்ட தெருவிலும் நாங்கள் நடந்து செல்ல நேர்ந்தது. இருபுறமும் ஏராளமான வீடுகள். வாசல் கதவுகள், மாடிப்படிகள். பால்கனிகள். சின்னச்சின்ன வயதில் ஏராளமாகவும், தாராளமாக ஆயிரக்கணக்கான குட்டிகள். எங்கள் கைகளைப்பிடித்து இழுக்காத குறை மட்டுமே.

15 வயது முதல் 50 வயது வரை, அரையும் குறையுமாக ஆடைகளை அணிந்துகொண்டு, முகம் பூராவும் ஜோராக மேக்-அப் போட்டுக்கொண்டு, உணர்ச்சிகளைத் தூண்டும் வண்ணம் பல்வேறு செய்கைகளில் எங்களை நோக்கி அவர்களின் அழைப்புகள் இருந்தன.

தப்பித்தோம் பிழைத்தோம் என நாங்கள் வேகமாக நடந்து, அந்தத்தெருவினைத் தாண்டி, பஸ்ஸில் ஏறி, நாங்கள் தங்கியிருந்த மாதுங்கா ’அரோரா’ தியேட்டருக்கு அருகில் இருந்த லாட்ஜ் ரூமுக்கு ஓடிவந்துவிட்டோம். எங்களுடன் வந்த வேலு என்பவனுக்கு இதையெல்லாம் பார்த்ததிலேயே குளிர் ஜுரம் வந்துவிட்டது. கடும் கம்பளியைப் போர்த்திக்கொண்டு படுத்துவிட்டான்.

எங்கள் க்ரூப்பில் மற்றொருவன் (வேலுவுக்கு மட்டும் நெருங்கிய நண்பன் ரவி), எங்களை ரூமில் விட்டுவிட்டு தனியே இரவில் அங்கு அந்த ரெட்-லைட் ஏரியாவுக்கு, திரும்ப அந்த வழிகாட்டியுடன் புறப்பட்டுச் சென்று விட்டான். பிறகு அவனை ஆளையே காணும். மறுநாள்தான் ஒருவழியாக வந்து சேர்ந்தான். அவன் எங்களிடம் பல அனுபவக்கதைகள் சொல்லி மகிழ்ந்தான்.

நாங்கள் அனைவரும் அவனின் இந்த இழிவான செயலுக்கு மிகவும் கண்டனம் தெரிவித்தோம். அதற்கு அவன் எங்களைப்பார்த்து “மிகவும் அருமையான சந்தர்ப்பம் இது. இதை அநியாயமாக நீங்கள் நழுவ விட்டதோடு அல்லாமல் என்னை இப்படித் திட்டுகிறீர்களே” எனச்சொல்லி அவனின் கண்டனங்களை எங்களுக்குத் தெரிவித்து மகிழ்ந்துகொண்டான்.

தமிழகத்தைத் தாண்டிச்சென்ற மேலும் சில பயணங்கள்.

(2)

கேரளா குருவாயூர், கொச்சின் போன்ற இடங்களுக்கு ரயிலில், மகிழ்வுப்பேருந்தில் + காரில் என பலமுறை குடும்பத்துடன் சென்று வந்துள்ளேன். கொச்சின் கொந்தளிக்கும் கடலில் பரிசலில் சென்றது மிகவும் த்ரில்லிங்கான அனுபவமாக இருந்தது.

(3)

1978-ஆம் வருடம் என் குடும்பத்தாருடன் ஹகரி (குண்டக்கல் அருகில்) என்ற சிற்றூருக்குப் புனிதப்பயணம் சென்று வந்தேன்.

(4)

குடும்பத்தாருடன் 1983 இல் கர்னூல், திருப்பதி, திருத்தணி, காளகஸ்தி போன்ற இடங்களுக்கு ஒருமுறை காரிலும் மறுமுறை ரயிலிலும் புனிதப்பயணம் மேற்கொண்டேன்.

(5)

1984-இல் குடும்பத்தாருடன் அலஹாபாத், காசி, ஜபல்பூர் ஆகிய இடங்களுக்குப் புனிதப்பயணம் சென்று வந்தேன்.

அலஹாபாத்தில் கங்கை, யமுனை, சரஸ்வதி ஆகிய மூன்று நதிகள் சங்கமிக்கும் திரிவேணி சங்கமத்தில் நான்.

(7)

1985-இல் குடும்பத்தாருடன் பண்டரீபுரம் புனித யாத்திரை செய்து வந்தேன்.

(8)

2004 டிஸம்பரில் குடும்பத்தார் அனைவருடனும் மும்பைக்கு தேசிய விருது வாங்கச் சென்று வந்தேன்.

(9)

2006 மார்ச்சில் தலைநகர் டெல்லிக்கு முதன் முதலாக என் சின்ன மகனுடன் சென்று வந்தேன். அங்கு மெட்ரோ ரயிலில் பயணம் செய்தோம். பல இடங்களை ஆசைதீர சுற்றிப்பார்த்து மகிழ்ந்தோம்.

^குதுப் மினார்^

^பாராளுமன்றம்^

^இந்தியா கேட்^

^மஹாத்மா காந்தி நினைவு இடம்^

^மிருகக் காட்சி சாலை^

^ஜூம்ஆ மசூதி^

(10)

2007 பிப்ரவரியில் தேசிய விருது + முதல் பரிசு தங்க மெடல் வாங்க ஜாம்ஷெட்பூருக்கு சென்றேன். பேச்சுத்துணைக்காக என் அக்கா மகனையும் என்னுடன் அழைத்துக்கொண்டு சென்று வந்தேன்.

(11)

2008 செப்டெம்பரில் ஹைதராபாத்துக்கு EXECUTIVE ORIENTATION PROGRAM TRAINING க்குக்காக அலுவலக நண்பர்கள் சுமார் 15 பேர்களுடன் (BHEL திருச்சியிலிருந்து ஒரே ஒரு பெண் + 14 ஆண்கள்) புறப்பட்டுச் சென்று அங்கு 15 நாட்கள் தங்கிவிட்டு வந்தோம். ராமோஜி ராவ் ஃபிலிம் சிட்டி உள்பட பல இடங்களைச் சுற்றிப் பார்த்து மகிழ்ந்து வந்தோம்.



FOUR FINANCE EXECUTIVES FROM BHEL TIRUCHI .... AT TRAIN JOURNEY

^AT BHEL GODAVARI GUEST HOUSE - HYDERABAD^

^AT HRDC - BHEL - HYDERABAD ^



^AT RAMOJI RAO FILM INSTITUTE - HYDERABAD^

^ AT A VERY BEAUTIFUL PARK AND

SHOPPING AREA AT HYDERABAD^

^ சார்மினார் பஜாரில் ^

^கோல்கொண்டா கோட்டையில்^

3.எப்படி பயணிக்கப் பிடிக்கும்?

எங்குமே தனியே பயணிக்கப்பிடிக்காது. பேச்சுத்துணைக்கு 'நம்மாளு’ யாராவது வேண்டும். ஜன்னல் ஓரமாக இடம் கிடைத்தால் மிகவும் பிடிக்கும். பணம் அதிகம் செலவானாலும் பயணமும் இருக்கையும் படுக்கையும் மிகவும் COMFORTABLE ஆக எனக்கு இருக்க வேண்டும்.

4.பயணத்தில் கேட்க விரும்பும் இசை

பயணத்தில் இசை கேட்கும் விருப்பம் ஏதும் எனக்கு இல்லை. பொதுவாகக் காட்டுக்கத்தலாக இல்லாமல் மெல்லிசையாக இருப்பின் சகித்துக்கொள்வேன்.

5.விருப்பமான பயண நேரம்

அதி விரைவாகவும், மிகவும் பாதுகாப்பாகவும், சகல செளகர்யங்களுடனும் திட்டமிட்ட கன்ஃபார்ம்ட் ரிஸர்வேஷனுடன் கூடிய பயணமாக இருக்க வேண்டும். நேரமெல்லாம் எதுவாக இருப்பினும் OK தான்.

6.விருப்பமான பயணத்துணை.

ஹனுமன் போன்ற அனைத்துத் திறமைகளும், சாமர்த்தியங்களும், புத்தி சாதுர்யமும் வாய்ந்த என் பெரிய சம்பந்தி திரு. P. பாலசுப்ரமணியன் என்பவரும் அவரின் துணைவியாரான திருமதி. சீதாலக்ஷ்மி அம்மாள் அவர்களும், எங்களுடன் பயணம் செய்ய வந்தால் மிகவும் மகிழ்வேன். இவர்களுடன் செல்லும் போது நான் எதற்குமே கவலைப்படாமல் மிகவும் ஜாலியாக பயணத்தை மட்டுமே ரஸித்து அனுபவிக்க நேரிடும்.

மற்றபடி டிக்கெட் ரிஸர்வேஷன் செய்வது, பயண டிக்கெட்களை பயணம் முடியும்வரை பாதுகாப்பது, ஆங்காங்கே விசாரணைகள் செய்வது, லோக்கல் பயண வண்டிகளை ஏற்பாடு செய்வது, எதையும் நன்கு முன்கூட்டியே திட்டமிடுவது, எனக்கு வேண்டிய ருசியான ஆகாரங்கள் தருவது, ஆங்காங்கே தங்குமிடங்கள் ஏற்பாடு செய்வது, அடுத்தடுத்து பார்க்க வேண்டிய இடங்களைப் பட்டியல் இடுவது, பயணத்திட்டங்களைத் தீட்டுவது, என் லக்கேஜ்கள் உள்பட அனைத்தையும் பொறுப்பாகக் கண்காணித்துப் பார்த்துக்கொள்ளுவது, ஆங்காங்கே லக்கேஜ் தூக்க ஆள் ஏற்பாடு செய்வது என அனைத்தையுமே அவர்கள் இருவரும் திட்டமிட்டு தங்கள் மண்டையை உடைத்துக்கொண்டு பார்த்துக்கொள்வார்கள்.

இவர்கள் இருவருடனும் சேர்ந்து பயணம் செய்தால் எனக்கும் என் மனைவிக்கும் எந்தவொரு தலைவலிகளும் இருக்காது. அவர்களிடம் மொத்தமாகப் பணத்தைக்கொடுத்துவிட்டு, மிகவும் ஜாலியாக பயணத்தை மட்டும் நாங்கள் அனுபவிப்போம்.

7.பயணத்தில் படிக்க விரும்பும் புத்தகம்?

தனியாக எங்கும் பயணிக்காததால் புத்தகமெல்லாம் எனக்குத் தேவைப்படாது. நெடுந்தூர பயணமாக இருந்து மிகவும் போர் அடித்தால் சீட்டுக்கச்சேரி போடப்பிடிக்கும். மற்றபடி அரட்டை அடித்துக்கொண்டு பயணம் செய்யவே பிடிக்கும்.

8.விருப்பமான ரைட் அல்லது டிரைவ்?

சிறுவயதினில் நடந்தும், சைக்கிளிலும், மாட்டு வண்டிகளிலும், குதிரை வண்டிகளிலும், சைக்கிள் ரிக்‌ஷாவிலும், மோட்டர் சைக்கிள்களிலும் என அனைத்திலும் நான் பயணம் செய்துள்ளேன்.

முதன் முதலாக குதிரை வண்டியில் பயணம் செய்ததை என்னால் மறக்கவே முடியாது. மிகவும் சிரிப்பான அனுபவமாகும். ஒரு குதிரை வண்டிக்குள் என் குடும்பமே ஏறிக்கொண்டது. என்னை கடைசியாக குதிரை ஓட்டியின் அருகே என் காலைத்தொங்கப்போட்டபடி அமர்த்தி விட்டார்கள். எனக்கு 5-6 வயதுதான் இருக்கும் அப்போது.

நல்ல வாளிப்பான மொழு மொழு என்று இருந்த முரட்டுக்குதிரை அது. வால் முடிகள் அதற்கு மிகவும் நீளமாக இருந்தது. அடிக்கடி குதித்துக்கொண்டு ஓடிய அது, என்னைத் தன் வாலால் ப்ரஷ் அடித்துக்கொண்டே இருந்தது. எனக்கு மிகவும் கூச்சமாக இருந்தது.

குதிரை ஓட்டுபவர் சாட்டையால் குதிரையைச் சொடுக்கிக்கொண்டே இருப்பார். சாட்டை என் கண்களில் பட்டுவிடுமோ என பயந்துகொண்டே பயணம் செய்தேன்.

வேக வேகமாக ஓடும்போது நடுவில் வாலைத்தூக்கிய அந்தக்குதிரை, பச்சைக்கலரில் சாணி போட ஆரம்பித்தது. குமட்டிடும் அந்த வாடை என்னால் சகித்துக்கொள்ளவே முடியவில்லை.

அத்துடன் அது சாணி போட்டு முடிக்கும்வரை, அதன் வாலால் என் முகத்தில் விசிறி அடித்துக்கொண்டே இருந்தது. எப்போது வண்டியை விட்டு இறங்கப்போகிறோம் என்று ஆகி விட்டது எனக்கு. :)

தற்சமயம் 5 கிலோமீட்டருக்குள் என்றால் ஆட்டோ. 6 to 20 கிலோ மீட்டருக்குள் என்றால் கால் டாக்ஸி.

முன்பெல்லாம் .... 55 வயதுவரை 100 CC சுசுகி சாம்ராயில் 100 கிலோமீட்டர் ஸ்பீடுக்கு மேல் விரட்டிப் பயணம் செய்வது எனக்கு மிகவும் ஜாலியாக இருந்து வந்தது. இப்போது போக்குவரத்துகள், பாதைகள் எல்லாம் மிகவும் மோசமாகவும், ஆபத்தாகவும் இருப்பதால், பைக் ஓட்டுவதை சுத்தமாகவே நிறுத்திக்கொண்டுள்ளேன்.

நீண்ட தூரப்பயணம் என்றால் (Even Tiruchi to Chennai or Bangalore) பெரும்பாலும் ஒஸத்தியான ஏ.ஸி. காரில் பின்பக்கம் இடது பக்கம் ஓரமாக ஜன்னலை ஒட்டி அமர்ந்து செல்லவே விரும்புவேன்.

ரயில்வே ஸ்டேஷன் படிக்கட்டுகளில் ஏறி இறங்கி சிரமப்படாமல், வீட்டு வாசலிலிருந்து புறப்பட்டு திரும்பவும் வீட்டுவாசல் வரை அழகாக வந்துசேரும் வசதிமிக்க ஒஸத்தியான AC CAR பயணமே எனக்கு ரயில் பயணங்களைவிட மிகவும் பிடித்தமானது. நினைத்த இடத்தில் நினைத்த நேரத்தில் காரை நிறுத்தச்சொல்லி, நம் ஏற்றுமதி இறக்குமதித் தேவைகளைப் பூர்த்தி செய்துகொண்டு, பயணத்தைத் தொடர வசதியாக இருக்கும். அப்படிப்பட்ட காரிலும் டிரைவரைத்தவிர 3 அல்லது 4 பேர்கள் மட்டுமே தாராளமாக அமர்ந்துகொண்டு ஜாலியாகப் பயணிக்க வேண்டும். ஒருவர் மேல் ஒருவர் உரசிக்கொண்டு அமர்ந்து கும்பலாகச் செல்வது எனக்குப் பிடிக்கவே பிடிக்காது.

9.பயணத்தில் நீங்கள் முணுமுணுக்கும் பாடல்?

அவ்வப்போது காணும் காட்சிகளைப் பொருத்து சில சினிமாப் பாடல்களை என் வாய் முணுமுணுக்கும்.

10.கனவுப் பயணம் ஏதாவது ?

கனவுப் பயணத்திற்காக என் மனதில் எவ்வளவோ ஆசைகள் + கற்பனைகள் உள்ளன. எல்லாவற்றையும் இங்கு வெளிப்படையாக என்னால் சொல்ல இயலாமல் உள்ளது. :)

நீண்ட தூரம் செல்லும் சொகுசுப் பேருந்துகளில் இப்போது தூங்கும் வசதிகளும், கழிவறை வசதிகளும்கூட கொடுக்கப்படுகின்றன. கட்டணம் அதிகமானாலும், இரயிலில் உள்ள படுக்கை வசதியைவிட இவற்றில் நன்றாகக் காலை நீட்டியும், புரண்டும் படுக்க முடிகிறது. சமீபத்தில் பெங்களூரிலிருந்து திருச்சிவரை, இதுபோன்றதோர் சொகுசுப் பேருந்தில் என் குடும்பத்தார் அனைவரும் நிம்மதியாகவும் செளகர்யமாகவும் படுத்துத் தூங்கிக்கொண்டு வந்தோம்.

விமானப்பயணத்திலும் கூட மிகவும் நெருக்கமாகவும், மூன்று இருக்கைகளை ஒட்டியும் போட்டிருப்பதால் பயணிக்கும் போது பலருக்கும் மிகவும் கஷ்டமாகவே உள்ளது. இருக்கைகள் தாராளமாக விசாலமாக உள்ள EXECUTIVE CLASS + காலை நீட்டி தூங்கும் வசதிகளுடன் உள்ள விமானப்பயணம் தான் எப்போதும் இனிமையானதாக உள்ளது.

இந்தப்பதிவினை எழுதி அனுப்ப என்னைத் தூண்டிய என் இனிய நண்பர் திரு. தமிழ் இளங்கோ அவர்களுக்கு மீண்டும் என் இனிய நன்றிகளைக் கூறிக்கொள்கிறேன்.

இந்தத்தொடர் பதிவினை எழுத யாருக்கெல்லாம் விருப்பமோ அவர்களெல்லாம் எழுதும்படி கேட்டுக்கொள்கிறேன்.

அன்புடன் VGK

பிற்சேர்க்கை (30.01.16) -

அன்புள்ள V.G.K அவர்கள் அனுப்பி வைத்த மின்னஞ்சலில் இருந்த படங்கள் இங்கே (கீழே) -

My Dear Sir, வணக்கம்.

மேலும் சில போட்டோக்கள் இப்போதுதான் கிடைத்தன. கீழே இத்துடன் அவற்றை அனுப்பியுள்ளேன். முடிந்தால் தங்களின் பதிவினில் கடைசியாக இவற்றையும் சேர்த்துக்கொள்ளவும்.

அன்புடன் VGK

டெல்லி பாராளுமன்றம் அருகில் - VGK

இந்திரா காந்தி நினைவிடத்தில் - VGK + HIS SON

டெல்லி மெட்ரோ ரயில் பயணத்தில் - VGK

VVIPs மட்டுமே தங்கிடும்

மிகப் பெரிய ஸ்டார் ஹோட்டலில் VGK

டெல்லி இந்தியா கேட் அருகே VGK

மஹாத்மா காந்தி நினைவிடத்தில்

பிரார்த்தனையில் VGK

டெல்லி குதுப்மினாருக்கு வந்திருந்த

ஜீன்ஸ் பட கதாநாயகன் பிரஸாந்த் அவர்களுடன் VGK

டெல்லி மிருகக்காட்சி சாலையில் - VGK

டெல்லி ஜூம்ஆ மசூதியைப் பார்த்துவிட்டு

திரும்பும்போது VGK

டெல்லியில் உள்ள பல இடங்களை

ஆட்டோவில் சுற்றிக்காட்டிய சர்தார்ஜியுடன் VGK

127 comments:

வெங்கட் நாகராஜ்Thursday, January 28, 2016 7:47:00 pm
வை.கோ. ஜி அவர்களின் பதில்கள் சுவாரஸ்யம்..... ரசித்தேன்.
ReplyDelete
Replies
vetha (kovaikkavi)Thursday, January 28, 2016 9:48:00 pm
தொடர் பதிவு பயணம் வாசித்து மகிழ்ந்தேன்.
ரசனை.
எல்லோருக்கும் நன்றியும் வாழ்த்துகளும்.
(வேதாவின் வலை)
ReplyDelete
Replies
AngelThursday, January 28, 2016 9:51:00 pm
கோபு அண்ணாவின் பயணங்களும் அழகிய படங்களும் மிக அருமை அனைத்தையும் ரசித்தேன்
ReplyDelete
Replies
ஸ்ரீராம்.Thursday, January 28, 2016 9:57:00 pm
வைகோ ஸார் செம ரசிகர் என்றுதான் தெரியுமே... பயணங்களையும் ரசித்து, பதிவையும் ரசித்து இட்டிருக்கிறார். சூலமங்கலம் என்றதும் எனக்கு சூலமங்கலம் சகோதரிகள் நினைவு வந்து விட்டது.

மும்பை அனுபவங்களும், குதிரை வண்டிப் பயண அனுபவமும் சுவாரஸ்யம்.
ReplyDelete
Replies
தி.தமிழ் இளங்கோThursday, January 28, 2016 10:56:00 pm
எனது அன்பான வேண்டுகோளுக்கு இணங்க ஒரு சுவையான தொடர்பதிவு ஒன்றினைத் தந்திட்ட அய்யா V.G.K அவர்களுக்கு நன்றி. தாங்கள் தேர்ந்தெடுத்த வெளிப்புறப் படங்கள் யாவும் அருமை. உங்கள் பயண அனுபவங்களைப் பார்க்கும்போது ‘LESS LUGGAGE; MORE COMFORT’ கொள்கை உடையவர் போல் தெரிகிறது.
ReplyDelete
Replies
கே. பி. ஜனா...Thursday, January 28, 2016 11:49:00 pm
அருமை.. படங்களும்.
ReplyDelete
Replies
தனிமரம்Friday, January 29, 2016 4:10:00 am
கோபுசாரின் அனுபவம் ,ஆசை, என பகிர்வு அமர்க்களம். அவர் தளத்தில் வருவது போல இளங்கோ ஐயாவின் தளத்திலும் அதை பகிர்ந்த தொழில்நுட்பம் பிரமிப்பு.
ReplyDelete
Replies
திண்டுக்கல் தனபாலன்Friday, January 29, 2016 8:29:00 am
அருமையான படங்களுடன் பயண பதில்கள் அனைத்தும் அருமை ஐயா... ரசித்தேன்...
ReplyDelete
Replies
middleclassmadhaviFriday, January 29, 2016 9:43:00 am
சுவையான பதில்கள்!! பதிவு! கண்ணைக் கவரும் விளக்கமான படங்கள்!! அருமையான பகிர்வு!
ReplyDelete
Replies
வே.நடனசபாபதிFriday, January 29, 2016 9:54:00 am
திரு வை கோபாலகிருஷ்ணன் அவர்களின் பதிவு எப்போதும் சுவாரஸ்யமாக. அழகான படங்களுடனும் அதற்கான விளக்கங்களுடனும் இருக்கும். தான் மேற்கொண்ட பயணங்களை எப்படி இரசித்திருக்கிறார் என்பதை இந்த பதிவின் மூலம் அறிந்துகொள்ள முடிகிறது.

1984 ஆம் ஆண்டில் திரிவேணி சங்கமத்தில் எடுத்துள்ள புகைப்படத்தில் இருப்பது திரு வை.கோ அவர்களா? நம்பமுடியவில்லை!

தங்களின் வேண்டுகோளை ஏற்று பதிவு எழுதிய திரு வை.கோ அவரக்ளுக்கும் அதை வெளியிட்ட தங்களுக்கும் பாராட்டுக்கள்!
ReplyDelete
Replies
G.M BalasubramaniamFriday, January 29, 2016 12:03:00 pm
திரு தி தமிழ் இளங்கோ அவர்களுக்கு, என் பதிவின் பின்னூட்டமொன்றில் நான் எழுத வேண்டும் என்னும் வேண்டு கோள் கண்டேன் சிறிது அவகாசம் தேவைப்படுகிறது உங்கள் வேண்டுகோள்படி நிச்சயம் எழுதுவேன் நன்றி.
ReplyDelete
Replies
ஜீவிFriday, January 29, 2016 12:19:00 pm
வை.கோ. சார்!

சமீபத்தில் உங்கள் நகைச்சுவை உணர்வை பகிர்ந்து கொண்ட பொழுது, "கல்கியா? நானா? என்ன ஒப்புமை?" என்று சபை அடக்கத்திற்காகவோ என்னவோ கேட்டீர்களே, இந்தக் கட்டுரை பூராவும் அங்கங்கே நீங்கள் விசிறிப்போட்டிருக்கும் 'கொல்' 'கிளுக்', 'ஹஹ்ஹஹா'..'ஹிஹிஹி' சிரிப்பு சரவெடிகளுக்குப் பேர் என்ன சார்? கல்கியின் நகைச்சுவை இயல்பானது. திட்டமிட்டு பிறரை சிரிக்க வைக்க வேண்டும் என்பதற்காக எழுதப்படுவதில்லை. அவரோடு கூடப் பிறந்தது.
அந்தவிதத்தில் நீங்களும் ஏறத்தாழ கல்கிக்கு மிக நெருக்கத்தில் வருகிறீர்கள் என்பது என் கணிப்பு.

'திருமண சாமான்களை அவசர அவசரமாக ரயிலிலிருந்து இறக்கும் போது என்னையும் ஒரு மூட்டை போல நினைத்து தொப்பென்று கீழே போட்டார்கள்'-- இதை வாசித்து விட்டு நான் சிரித்த சிரிப்பு எனக்குத் தான் தெரியும்!

நிறைய படங்கள். திரிவேணி சங்கமத்தில் முட்டியளவு நீரில் நிற்கிறீர்களே! நான் சென்ற போது என் கழுத்தளவு இருந்தது. என்ன தான் நீங்கள் உயரம் என்றாலும்
கொஞ்சம் மேடு தட்டிய மணல் பகுதி இல்லை நீரின் வேக ஓட்டம் கொஞ்சம் குறைந்த இடமாக இருக்கும் என்று நினைக்கிறேன்.

ஸ்ரீராமிற்கு ஒரு தகவல். சேலத்தின் ஜங்ஷன் பகுதி சூரமங்கலம் என்று அழைக்கப்பட்டாலும், சூலமங்கலம் சகோதரிகள் ஜெயலெஷ்மியும் ராஜலெஷ்மியும் இந்த ஊர்க் காரங்கள் தான். என் தமக்கைகளின் பெயரும் இதே தான்! இருவருமே நன்றாக பாடுவார்கள்.
ReplyDelete
Replies
D. ChandramouliFriday, January 29, 2016 1:28:00 pm
Interesting account and photos of Mr VG's travels from childhood.
ReplyDelete
Replies
ஜீவிFriday, January 29, 2016 2:13:00 pm
//சூலமங்கலம் சகோதரிகள் ஜெயலெஷ்மியும் ராஜலெஷ்மியும் இந்த ஊர்க் காரங்கள் தான். //

முன்வரியில் சேலத்தைப் பற்றிக் குறிப்பிட்டிருப்பதால் நான் குறிப்பிட்டது தவறாக அர்த்தம் கொள்ளப்படலாம். இந்த ஊர்க்காரர்கள் தான் என்று குறிப்பிட்டிருந்தது தஞ்சை மாவட்டத்திலுள்ள சூலமங்கலத்தை. 'கந்த சஷ்டி கவசம்' இந்த சகோதரிகள் குரலில் அமிர்த கானமாய் வர்ஷிக்கும்.
ReplyDelete
Replies
balaamagiFriday, January 29, 2016 2:48:00 pm
வணக்கம், எந்த படைப்பாக இருந்தாலும் அதில் ஆழ்ந்து போகும் ஐயா அவர்களுக்கு முதலில் வாழ்த்துக்கள், அருமையான பயணப் பகிர்வு, எப்பவும் போல் அழகிய புகைப்படங்கள்,
உங்களையும் மூட்டை முடிச்சுகளுடன் தூக்கிப் போட்டார்களா? கற்பனையில் ஆழ்ந்தேன்....
நல்ல வெளிப்படையான பதில், அருமை ஐயா,
வெளியிட்ட தங்களுக்கும் நன்றிகள் ஐயா.
ReplyDelete
Replies
பூந்தளிர்Friday, January 29, 2016 5:46:00 pm
பின்னூட்டம்.போட வந்தா.எழுத்தெல்லாம் ரொம்ப சின்னதா இருக்கு. படிக்கவே.முடியல..நாளை ட்ரை பண்றேன்
ReplyDelete
Replies
Thulasidharan V ThillaiakathuFriday, January 29, 2016 6:42:00 pm
வைகோ சார் செம சுவாரஸ்யமான பயணம் தான் நீங்கள் எதையுமே மிகவும் ரசித்துச் செய்வது உங்கள் பயணங்களிலும் தெரிகின்றது. அதைப் போலவே தங்கள் இந்தப் பதிவையும் தாங்கள் மிகவும் ரசித்து எழுதியிருப்பது தெரிகின்றது. சுவாரஸ்யமான பதில்கள்.

இதை இங்குப் பகிர்ந்த தமிழ் இளங்கோ ஐயா அவர்களுக்கும் நன்றி
ReplyDelete
Replies
UnknownFriday, January 29, 2016 6:56:00 pm
அருமை!பதிவை இரசித்தேன்! வை கோ வுக்கு வாழ்த்துகள்!
ReplyDelete
Replies
காமாட்சிFriday, January 29, 2016 7:51:00 pm
ஒன்றன்பின் ஒன்றாக மனதில் ஆழப்பதிந்த நினைவுகள். வயதுக்குத் தகுந்தாற்போல நினைவுகளும், நிகழ்வுகளும் அமைகிறது.நடைப்பயணத்திலிருந்து,ஆரம்பமாகி சிரமமில்லாத ,சிரமத்துடன் கூடிய எல்லாவித பயணங்களும் அனுபவத்தில் விளங்குகிறது.நல்லவேளை , இன்கையால் இழுக்கும் ரிக்க்ஷா அனுபவம் இல்லை. இந்தத் தொடரையே இப்போதுதான் பார்த்தேன். நல்ல ஸுவாரஸ்யமான தொடர். அவரவர்களுக்கு எழுதாவிட்டாலும் மனதில் வரிசையாக எண்ணங்கள் கரைபுரளும். படித்து ரஸித்தேன். அன்புடன்
ReplyDelete
Replies
ஞா கலையரசிFriday, January 29, 2016 8:18:00 pm
பயணநினைவுகளை ரசித்து எழுதியுள்ளீர்கள். படங்களும் அருமை. தங்க மெடல் வாங்கிய விபரம் இன்று தான் அறிந்தேன். பாராட்டுக்கள்! எத்தனை திறமைகளுக்குச் சொந்தக்காரர் நீங்கள் என்றறியும் போது வியப்பு மேலிடுகிறது. ஆங்காங்கே நகைச்சுவையும் சேர்த்து எழுதியுள்ளமை ரசிக்க வைக்கிறது. பாராட்டுக்கள் கோபு சார்!
ReplyDelete
Replies
காரஞ்சன் சிந்தனைகள்Friday, January 29, 2016 9:30:00 pm
பயணங்கள், அனுபவங்கள், மனதின் நினைவலைகளை தனக்கே உரிய நகைச்சுவையுடன் கூடிய பாணியில் அழகான படங்களுடன் பகிர்ந்தவிதம் அருமை!அவருக்கு என் மனமார்ந்த நன்றி!
ReplyDelete
Replies
KILLERGEE DevakottaiFriday, January 29, 2016 10:17:00 pm
பிரமிப்பான தகவல்களும் புகைப்படங்களும் அருமை
தமிழ் மணம் 8
ReplyDelete
Replies
ashokFriday, January 29, 2016 10:59:00 pm
Awesome post sir...
ReplyDelete
Replies
பூந்தளிர்Saturday, January 30, 2016 10:39:00 am
அப்பப்பா ..... எவ்வளவு ஜோரா எழுதியிருக்கீங்க. தினமும் உங்க வலைப்பதிவுப் பக்கம் நான் வந்து, ஏதேனும் புதிய பதிவு இருக்கான்னு ஆசையாப் பார்த்து பார்த்து ஏமாந்து போவது என் வழக்கம். இதை ஏன் இங்கே இவரின் வலைத்தளத்தில் வெளியிடச் சொன்னீங்களோ ... எனக்குப் புரியலை.
ReplyDelete
Replies
பூந்தளிர்Saturday, January 30, 2016 10:39:00 am
அடடா, 4-5 வயசு குழந்தையான ’குட்டி கோபு’ வைத் தொப்புன்னு ரயிலிலிருந்து கீழே போட்டுட்டாங்களா? மிகவும் கோபமா வருது எனக்கு :)
ReplyDelete
Replies
பூந்தளிர்Saturday, January 30, 2016 10:40:00 am

பம்பாய் கோவான்னு ஜோடியே இல்லாம ஜாலியா சுத்திட்டு வந்தீங்களா ! உங்களுக்குன்னு பார்த்து ஏதாவது மேட்டர் (ரவி மூலமாகக்) கிடைக்குது பாருங்கோ . :)

குறும்பும் குசும்பும் மேலிட எழுதியுள்ளீர்கள்
ReplyDelete
Replies
பூந்தளிர்Saturday, January 30, 2016 10:40:00 am
அலஹாபாத் திரிவேணி சங்கமம் போட்டோவில் சூப்பரா இருக்கீங்க ... ஒரே பக்தி மானாக :)
ReplyDelete
Replies
பூந்தளிர்Saturday, January 30, 2016 10:42:00 am
டெல்லி, ஜாம்ஷெட்பூர், ஹைதராபாத் போட்டோ எல்லாமே பார்க்க ரொம்ப நல்லா இருக்குது.

>>>>>
ReplyDelete
Replies
பூந்தளிர்Saturday, January 30, 2016 10:43:00 am
நீங்களே நல்ல உயரமா ஆறு அடி இருப்பீங்க போலிருக்கு. உங்களைவிட உயரமா ஒன்பது அடிக்கு ஒரு கோமாளி தொப்பிப் போட்டுண்டு இருக்கானே. சிரிப்பு வந்தது. :)
ReplyDelete
Replies
பூந்தளிர்Saturday, January 30, 2016 10:43:00 am

சம்பந்தி மாமா மாமியைப் பற்றி சொல்லியுள்ளது படிக்க சுவாரஸ்யமாக இருந்தது. அவாளோடத்தானே துபாய்க்குக்கூட போனதாக உங்கள் பதிவினில் ஒருமுறை சொல்லி இருந்தீங்கோ. அதுவும் என் நினைவுக்கு வந்தது.
ReplyDelete
Replies
பூந்தளிர்Saturday, January 30, 2016 10:44:00 am
அந்த முரட்டுக் குதிரை தன் வாலால் உங்களைச் சின்ன வயதில் பிரஷ் அடித்ததைப் பற்றிச் சொன்னதைப் படித்ததும் எனக்குள் மிகவும் சிரித்துக்கொண்டேன். :)
ReplyDelete
Replies
பூந்தளிர்Saturday, January 30, 2016 10:44:00 am
மொத்தத்தில் நீங்க நல்ல சுகவாசியானவர் என்பதைப் புரிந்துகொண்டேன். கேள்வி எண் 3 மற்றும் 10 இல் ஏதோ சஸ்பென்ஸ் வைத்துள்ளீர்களே .... எனக்கு மட்டும் தனியே அதைப்பற்றி விபரமாச் சொல்லக்கூடாதா?

>>>>>
ReplyDelete
Replies
பூந்தளிர்Saturday, January 30, 2016 10:45:00 am
இந்தப்பதிவின் எழுத்துக்களைப் பெரிதாக மாற்றி எனக்கு தனி மெயிலில் அனுப்பி வைத்து உதவியதற்கு என் நன்றிகள், கோபு ஸார்.

தங்களிடமிருந்து இந்தப்பதிவினை வாங்கி வெளியிட்டுள்ள தங்கள் நண்பருக்கும் என் பாராட்டுகள் + நன்றிகள்.
ReplyDelete
Replies
ஸ்ரத்தா, ஸபுரி...Saturday, January 30, 2016 11:29:00 am
கோபால் சார் பதிவு என்றாலே கலர் ஃபுல்லா ரசனையுடன் படிக்க நிறைய விஷயங்கள் இருக்கும். இங்கயும் சூப்பரான படங்கல் சுவாரசியமான பயண அனுபவங்கள் சிரிக்கவும் ரசிக்கவும் வைக்கிறது. நார்த் ஸௌத் எல்லா இடங்கலும் சுத்தி பார்த்து நன்கு எஞ்சாய் பண்ணியிருக்கீங்க. இந்தப்பதிவை ஏன் உங்க பக்கம் ப்போடலே. தமிழ் இளங்கோ சார் அவர்கலுக்கு தான் நன்றி சொல்லனும். விடாப்பிடியாக உங்களை தொடர் பதிவு எழுத வச்சுட்டாங்களே. எங்க படிச்சா என்ன கோபால் சாரின் பதிவுகள் படிக்க எல்லாருமே ஓடி வந்து விடுவோமே.ஐந்து வயதில் குதிரை வண்டி சவாரி செய்ததைக்கூட நினைவில் கொண்டுவந்து நகைச்சுவையுடன் சொல்லி இருக்கீங்க. சம்பந்தி காரர்களைப்பற்றி பெருமையா சொல்லி இருக்கீங்க. நன்பர்களை பற்றியும் சிறப்பாக சொல்லி இருக்கீங்க.

'திருமண சாமான்களை அவசர அவசரமாக ரயிலிலிருந்து இறக்கும் போது என்னையும் ஒரு மூட்டை போல நினைத்து தொப்பென்று கீழே போட்டார்கள்'-- இதை வாசித்து விட்டு சிரிப்பை அடக்கவே முடியல்லே திருவேணி சங்கமத்தில் எப்பவுமே தண்ணீர் நிறையவே ஓடுமே. எப்படியோ நல்ல சுவாரசியமான நகைச்சுவையுடன் கூடிய பதிவு படிச்சு ரசிக்கக்கிடைத்தது. நன்றி சார்
ReplyDelete
Replies
ப்ராப்தம்Saturday, January 30, 2016 3:45:00 pm
கோபால் சார் பதிவு பக்கம் எப்பவுமே சுவாரசியமா விஷயங்கள் இருக்கும். இந்த பயணத்திலும் நம்ம எல்லாரையும் கூடவே கூட்டிட்டு போறாங்க. ஒவ்வேரு விஷயத்தையும் நகைச்சுவை ததும்ப சொல்லி இருப்பது ரொம்ப நல்லா இருக்கு. தமிழ் இளங்கோ சாருக்கும் கோபால் சாருக்கும் நன்றிகள்
ReplyDelete
Replies
Kasthuri RenganSaturday, January 30, 2016 6:57:00 pm
அருமை அய்யா
செம நாஸ்டால்ஜிக் பதிவாக இருக்கிறதே..
ReplyDelete
Replies
UmayalGayathriSaturday, January 30, 2016 8:47:00 pm
சுவாரஸ்யமா இருக்கு உங்க பயண அனுபவம். நான் 2 நாள் பயணம் போனதால உங்க பக்கம் இப்போதான் வருகிறேன். வந்த களைப்பு போறதுக்குள்ள களைப்பு இல்லாமல் மீண்டும் உங்களுடன் பயணித்து வந்து விட்டேன்.

நட்பான சம்பந்தி....அருமை.

நல்ல ஞாபக சக்தி சார் உங்களுக்கு....சின்ன வயதுல இருந்து அழகா பயணத்தை சொல்லி இருக்கீங்களே!

புகைப்படங்களின் தொகுப்பு....அசத்தல்

ReplyDelete
Replies
UmayalGayathriSaturday, January 30, 2016 8:49:00 pm
உங்களின் நேர்த்திக்கு...பத்தரை மாற்று தங்கத்தை கொடுத்துட்டேன்...சார்:)))
ReplyDelete
Replies
ShakthiprabhaSaturday, January 30, 2016 10:08:00 pm
This comment has been removed by the author.
ReplyDelete
Replies
ShakthiprabhaSaturday, January 30, 2016 10:10:00 pm
Good memories shared. Interesting... Cart ride indeed was hilarious. Ofcourse Journey never ends.... :)
ReplyDelete
Replies
ப.கந்தசாமிSunday, January 31, 2016 4:34:00 am
"ஓ" போடவேண்டும் என்று தோன்றுகிறது. பொறுமையாக பழைய நினைவுகளை மீட்டெடுத்துத் தொகுத்து வழங்கிய பாங்கு மிகவும் போற்றற்குரியது. எனக்கு பொறாமையாய் இருக்கிறது.
ReplyDelete
Replies
ஆல் இஸ் வெல்.......Sunday, January 31, 2016 10:20:00 am
சார் நான் உங்க பக்கம் புது பதிவு ஏதாச்சிம் போட்டிருக்கீங்களான்னு அங்க தேடிக்கிட்டு இருந்தேன். படங்கள் எல்லாமே தனியா கதைசொல்லுராமாதிரி அழகான படங்களுடன் பயணகட்டுரை தூள் கிளப்புது. என்னமா ரசிச்சு ஒரு விஷயம் கூட நினைவுல வச்சு சுவாரசியமா எழுதி இருக்கீங்க. தமிழ் இளங்கோ சாருக்கும் உங்களுக்கும் வாழ்த்துகளும் நன்றிகளும்
ReplyDelete
Replies
Dr B Jambulingam, Assistant Registrar (Retd), Tamil UniversitySunday, January 31, 2016 10:37:00 am
திரு தமிழ் இளங்கோ அவர்களின் வலைப்பக்கத்தில் தங்களது பயண அனுபவங்களைக் கண்டு மகிழ்ந்தேன். வழக்கமான உங்களது பாணியான செறிவான புகைப்படங்கள், கோர்வையான சொற்றொடர், கூரிய நினைவாற்றல் என்ற பல நிலைகளில் உங்களது பயணத்தில் நானும் கலந்துகொண்டேன். எனது தொடர் மகாமகப்பதிவுகளின் காரணமாக நண்பர்களின் தளங்களுக்குச் செல்ல தாமதமாகிறது. மகாமகம் வரை பொறுத்துக்கொள்ளவேண்டுகிறேன். பின்னர் தொடர்ந்து வருவேன். பகிர்ந்த உங்களுக்கும் வெளியிட்ட திரு தமிழ் இளங்கோ அவர்களுக்கும் மனம் நிறைந்த பாராட்டுகள்.
ReplyDelete
Replies
UnknownSunday, January 31, 2016 6:00:00 pm
படங்களுடன் பயண அனுபவங்கள் ரொம்ப நல்லா இருக்கு..தமிழ் இளங்கோ சாருக்கும் கோபால் சாருக்கும் வாழ்த்துகளும் நன்றிகளும்
ReplyDelete
Replies
அ. முஹம்மது நிஜாமுத்தீன்Sunday, January 31, 2016 9:35:00 pm
ஒரு பதிவினில் ஊரையே சுற்றிக் காட்டினார்கள் வி. ஜி. கே. அவர்கள்.
படங்களும் விளக்கங்களும் சுவைபட இருந்தன.
ReplyDelete
Replies
அ. முஹம்மது நிஜாமுத்தீன்Sunday, January 31, 2016 9:39:00 pm
//ஜிம்மா மசூதி//

இரு இடங்களில் இப்படி இருப்பதை,
'ஜும்ஆ மசூதி' என்று குறிப்பிடலாம்.
(வெள்ளிக்கிழமை என்றும் வெள்ளிக்கிழமை மதிய சிறப்புத் தொழுகை என்றும் பொருள்படும்.)
ReplyDelete
Replies
Geetha SambasivamMonday, February 01, 2016 3:54:00 pm
எல்லாம் அருமையான நினைவலைகள். ஐந்து வயதில் இருந்து ஆரம்பித்து அந்த அந்த வயதுக்கேற்ற படங்களுடன் அருமையாகத் தொகுத்திருக்கிறார் திரு வைகோ அவர்கள். இதை இங்கே வெளியிட்ட திரு தமிழ் இளங்கோ அவர்களுக்கும் மனமார்ந்த நன்றி. எல்லாம் நன்றாக உள்ளன. அருமையான பயண அனுபவங்கள். குதிரை வண்டிப் பயணம் மிக அருமை! :)
ReplyDelete
Replies
VetirmagalMonday, February 01, 2016 5:09:00 pm
Arumai, as usual.
ReplyDelete
Replies
ஜெயஸ்ரீ ஷங்கர்Tuesday, February 02, 2016 10:18:00 pm
அன்பின் கோபு ஸார் ,தங்களின் பயண அனுபவங்கள் அத்தனையும் ஒவ்வொன்றாகப் படித்ததும்,அந்தந்த இடங்களுக்கு அந்தந்த காலகட்டத்தில் சென்று வந்த ஒரு சுகானுபவத்தை எப்படி இவ்வளவு
நினைவலைகளை மீட்டெடுத்து நெஞ்சின் அலைகளாக கரை புரள எழுதி அசத்தி இருக்கிறீர்கள். உங்களது எழுத்துத் திறமைக்கும் படிப்பவர்களையும் பார்க்க வைக்கும் திறமைக்கும்
இன்னும் இன்றும் இங்கும் ஒரு தங்கப் பதக்கம் தரத்தான் வேண்டும்....! எத்தனையோ எழுத்துக்களை படித்துக் கொண்டே வந்தாலும் தங்களது எழுத்துகளில் எழும் ரசனையும்
ஒரு ஜில்லென்ற நகைச்சுவையும் ஒரே எழுத்துவலையில் ஒரு லட்சம் மீன்கள் பிடிக்கும் சாதுரியமும்...உங்கள் எழுத்து ராஜ்யத்தில் நீங்கள் தான் இங்கு இணைய முடி சூடிய மன்னர்..!
உங்களுக்கு வரும் பின்னூட்டங்களே அதைச் சொல்லாமல் சொல்லும்.. உங்கள் பயண அனுபவங்கள் அலாதியானது, படிப்பவர் நெஞ்சத்தை விட்டும் அகலாதது. அருமையான
இந்தப் பதிவை படங்களுடன் பதித்து சொல்லி அழைப்பு விடுத்ததற்கு மிக்க நன்றி. இல்லாவிடில் தெரிந்திராது.
அன்புடன்
ஜெயஸ்ரீ ஷங்கர்

ReplyDelete
Replies
ஆன்மீக மணம் வீசும்Wednesday, February 03, 2016 5:12:00 pm
கோபு அண்ணா
இதெல்லாம் ரொம்ப ஓவர். நான் என்னடான்னா ஊர், ஊரா சுத்திட்டு (HIGHLIGHT 2010ல போன அந்தமான் பயணம்) பயணக் கட்டுரை எழுத முடியாம நொந்து நூடுல்ஸா இருக்கேன். என் வலைத் தளத்துல எழுதவே நேரத்தக் காணும்ன்னு நொந்திருக்கும் போது இப்படி இன்னொருத்தர் வலைத்தளத்துல எழுதி இருக்கீங்களே, இது என்ன நியாயம்! மனுஷனுக்கு ஞாபக மறதியே இருக்காதா. சமீபத்தில போன பயணத்தப் பத்தி எழுதவே ஞாபக சக்தி பத்தல. இவர் என்னடான்னா அம்மா வயத்துல இருந்த பொழுது போன பயணத்தப் பத்தி கூட எழுதுவார் போல இருக்கே.

என்ன செய்ய! நமக்கு முடிவது ரசிப்பது மட்டுமே. அத்த செய்யறேன்.

வணக்கத்துடனும்,
வாழ்த்துக்களுடனும்,
கொஞ்சம் புகைச்சலுடனும்

ஜெயந்தி ரமணி
ReplyDelete
Replies
ஆன்மீக மணம் வீசும்Wednesday, February 03, 2016 5:14:00 pm
//திருமண சாமான் - சட்டிகளுடன் என்னையும் என் வீட்டார் சூலமங்கலம் கிராமத்திற்குக் கூட்டிப்போனார்கள். திருமண சாமான்களை அவசர அவசரமாக ரயிலிலிருந்து இறக்கும் போது என்னையும் ஒரு மூட்டை போல நினைத்து தொப்பென்று கீழே போட்டார்கள்.//

அப்பவே அமுக்கு, துமுக்குன்னு இருந்திருப்பேளோ?
ReplyDelete
Replies
Avargal UnmaigalFriday, February 05, 2016 8:49:00 am
தாமதத்திற்கு மன்னித்து கொள்ளவும்.....சில பிரச்சனைகள்காரணமாக இணையப்பக்கம் வராமல் இருந்தேன். இன்றுதான் மெயில் பார்த்தேன். வழக்கம் போல உங்கள் பாணியில் இந்த பயணப்பதிவு மிக நன்றாக வந்திருக்கிறது.......பாராட்டுக்கள்......வாழ்க வளமுடன்
ReplyDelete
Replies
Thenammai LakshmananMonday, February 08, 2016 11:44:00 pm
விஜிகே சார் பதிவு அட்டகாசம். அருமை. குதிரை வண்டிப் பயணம் பற்றிப் படித்துச் சிரித்தேன். ஃப்ளைட் கார் பயணம் அருமை. அப்புறம் அந்த அவார்டு பயணங்களுக்கு வாழ்த்துகள். :) பகிர்வுக்கு நன்றி இளங்கோ சார் :)
ReplyDelete
Replies
கீதமஞ்சரிSaturday, February 13, 2016 10:29:00 am
மனந்திறந்த அழகான பயண அனுபவப் பகிர்வு. நகைச்சுவை மிளிரும் பதில்களை மிகவும் ரசித்தேன். முக்கியமாய் அந்தக் குதிரை வண்டிப் பயணம். சாதனைகளின் சங்கமக் குறிப்புகள் வியக்கவைக்கின்றன. பயணத்துணை குறித்த பதில் வெகு சுவாரசியம். சரியான பயணத்துணைதான். பயணங்களில் படம் எடுத்துப் பாதுகாத்து வைத்திருப்பது சிறப்பு. அவற்றையெல்லாம் மீளப்பார்க்கையில் அந்நாளையக் காட்சிகள் கண்முன் தோன்றி மகிழ்விப்பது உண்மை. மிகவும் ரசித்தேன். பாராட்டுகள் கோபு சார். இங்கு வலையில் பகிர்ந்துகொண்ட இளங்கோ ஐயாவுக்கு நன்றி.
ReplyDelete
Replies
வை.கோபாலகிருஷ்ணன்Saturday, February 13, 2016 10:37:00 am
127
கீத மஞ்சரி Saturday, February 13, 2016 10:29:00 am

வாங்கோ மேடம், வணக்கம்.

//மனந்திறந்த அழகான பயண அனுபவப் பகிர்வு. நகைச்சுவை மிளிரும் பதில்களை மிகவும் ரசித்தேன். முக்கியமாய் அந்தக் குதிரை வண்டிப் பயணம். சாதனைகளின் சங்கமக் குறிப்புகள் வியக்கவைக்கின்றன. பயணத்துணை குறித்த பதில் வெகு சுவாரசியம். சரியான பயணத்துணைதான். பயணங்களில் படம் எடுத்துப் பாதுகாத்து வைத்திருப்பது சிறப்பு. அவற்றையெல்லாம் மீளப்பார்க்கையில் அந்நாளையக் காட்சிகள் கண்முன் தோன்றி மகிழ்விப்பது உண்மை. மிகவும் ரசித்தேன். பாராட்டுகள் கோபு சார். இங்கு வலையில் பகிர்ந்துகொண்ட இளங்கோ ஐயாவுக்கு நன்றி.//

தங்களின் அன்பான வருகைக்கும், ஒவ்வொன்றையும் அழகாக ரஸித்துச் சொல்லியுள்ள கருத்துக்களுக்கும், பாராட்டுகளுக்கும் எங்கள் மனம் நிறைந்த இனிய அன்பு நன்றிகள் மேடம்.

பிரியமுள்ள கோபு
ReplyDelete
Replies

Add comment