யாரிடம் கோளாறு?

சிவனே என்று இருந்தேன்                 

சிவனை பார்த்த துண்டா

என்றே வினவு கிறார்கள்.!

சீர்திருத்தம் பேசி நின்றால்

உன்வீட்டில் செய்து விட்டாயா

என்றே எட்டிப் பார்க்கிறார்கள்.!

சாலையிலே கொட்டும் குப்பையை

அமைதியாக தடுத்துச் சொன்னாலும்

உன்வேலையைப் பார் என்கிறார்கள்!

வீதியிலே ஜோடியாய் இரண்டுபேர்

யார் வீட்டுப் பிள்ளைகள் என்று பார்த்தால்

கொள்ளிக்கண் என்றே குமுறுகிறார்கள்!

எதிர்திசையில் வண்டியில் வருபவரை

சரியான பாதையில் வரச்சொன்னால்

நீஒழுங்காய் பார்த்துப் போ என்கிறார்கள்!

ஓட்டு கேட்டுவரும் கவுன்சிலரிடம்

கோரிக்கைகள்  சிலவற்றை வைத்தால்

தெருக்காரரே என்னை முறைக்கிறார்!

மளிகை கடைக்குச் சென்று

அரிசியில் ஒரே கல் என்றேன்

இனி வேறுகடை பாருங்கள் என்றார்!

வலையுலகில் பதிவை திருடுகிறார்கள்

என்செய்வது என்றே புலம்பினேன்

கவலைப் படாதே என்றார்கள்!

யாரிடம் கோளாறு என்றே

என்னுள் கேட்டேன் - அதுவோ

உன்னிடம்தான் என்றே சொன்னது.

( PICTURE :  THANKS TO  “ GOOGLE ” )