வாழ்க்கையே போராட்டமாய்!

குழந்தையின் மனதில் நிகழ் காலம்!

இளைஞனின் மனதில் எதிர் காலம்!

முதியவனின் மனதில் கடந்த காலம!

எந்த காலம் என்றாலும்

நம்பிக்கையில்தான் நமது காலம்

நகர்ந்தே செல்கின்றது!

அமைதிப் புறாவைப் படைத்தவன் - ஏனோ

வட்டமிடும் வல்லூறையும் படைத்தான்!

துள்ளித் திரியும் மானைப் படைத்தவன் – ஏனோ

அடித்துக் கொல்லும் புலியையும் படைத்தான்!
ஒன்றைத் தின்று ஒன்று வாழும் 
உயிர் வித்தை நித்தம் நடக்கின்றது! 

மேட்டைப் படைத்தவன் அருகே

பள்ளத்தையும் படைத்தான்!

விண்ணை முட்டும் சிகரம் உண்டாக்கியவன் - 

அருகே ஆழ்கடல் அமைதியும் தந்தான்!

நல்லிதயங்கள் நடுவே நச்சு மனத்தினர்!

முரண்பாடுகளே படைப்பாய் இருக்கும்போது

வாழ்க்கையே போராட்டமாய் இருக்கின்றது!