ப்ரதிலிபி – ஒரு பார்வை

ஒருமுறை ஸ்ரீரங்கத்தில் நடைபெற்ற வலைப்பதிவர் சந்திப்பினில், திரு வெங்கட் நாகராஜ் அவர்கள் தனிப்பட்ட கலந்துரையாடலின் போது, பேச்சுவாக்கில் ”ப்ரதிலிபி” www.pratilipi.com என்ற இணைய தளம் குறித்து மேலோட்டமாகச் சொன்னார். எனக்கிருந்த வேலைப்பளுவில் இந்த இணையதளம் குறித்து அப்புறம் பார்த்துக் கொள்ளலாம் என்று இருந்து விட்டேன். அண்மையில், சென்னையில் ப்ரதிலிபி - அகம் இணைந்து நடத்திய ஒரு கருத்தரங்கத்திற்கான அழைப்பிதழ் எனக்கு மின்னஞ்சலில் வந்தது. அனுப்பியவர்கள் ;ப்ரதிலிபி.’. சூழ்நிலையின் காரணமாக என்னால் கலந்து கொள்ள முடியவில்லை. இருப்பினும் அவர்களது இணையதளம் சென்று அப்படி அங்கே என்னதான் இருக்கிறது என்று அங்கே சென்றேன். அப்போதுதான் புதுக்கோட்டையில் 11.10.2015 அன்று நடைபெற்ற வலைப்பதிவர்கள் திருவிழாவில் ஆசிரியர் நா.முத்துநிலவன் அவர்களால், மேடையில் அறிமுகம் செய்யப்பட்ட சங்கரநாராயணன் தேவராஜன் (திருநெல்வேலி) அவர்களது ப்ரதிலிபி பற்றிய பேச்சு நினைவுக்கு வந்தது.

நமது தமிழ் வலைப்பதிவர்கள் பலருக்கும், குறிப்பாக நூல் வாசிப்பு பழக்கம் உள்ளவர்களுக்கு பயன் தரும் நிறைய விஷயங்கள், இந்த இணைய தளத்தில் இருக்கின்ற படியினால், அவற்றை இங்கே பகிர்ந்து கொள்கிறேன்.

 

ப்ரதிலிபி அமைப்பாளர்கள்: 

                                             (Picture courtesy: therodinhoods.com)

வெவ்வேறு மொழியைச் சேர்ந்த , இலக்கிய ஆர்வம் உள்ள சாப்ட்வேர் பொறியாளர்கள் ஐந்துபேர் உருவாக்கிய தளம் இது. சங்கர நாராயணன் (தமிழ்நாடு), ஷைலி (குஜராத்), ராகுல் (பீகார்), உத்தர பிரதேசத்தைச் சேர்ந்த ரஞ்சித் பிரதாப் மற்றும் பிரசாந்த் ஆகிய ஐவர் அணிதான் இவர்கள். புதிய தலைமுறை 2/10/2015 இதழில் ப்ரதிலிபி பற்றிய செயல்பாடு, நோக்கம் பற்றி கட்டுரை ஒன்றை http://www.pratilipi.com/blog/5079071125929984 வெளியிட்டு இருக்கிறார்கள். திண்ணையிலும் http://puthu.thinnai.com/?p=29129 இதுபற்றிய விவரங்களைத் தெரிந்து கொள்ளலாம்.

நூல்கள் (BOOKS):

வாசிப்பு பழக்கம் உள்ளவர்களுக்கு இந்த பகுதியில் நிறையவே மின்நூல்கள். பிரபல எழுத்தாளர்களோடு நமது வலைப்பதிவு நண்பர்களது நூல்களையும் இங்கு காணலாம். ஸ்மார்ட்போன் கையில் இருந்தால் எங்கு வேண்டுமானாலும் இந்த நூல்களைப் படித்துக் கொண்டே இருக்கலாம். நமது வலைப்பதிவர்கள் இந்த பகுதியில் இணைத்த நூல்கள் சிலவற்றைக் கீழே. குறிப்பிட்டுள்ளேன்.

சிரிக்க வைக்கும் சொதப்பல்கள் – ராஜலட்சுமி பரமசிவம்

சேகுவரா – மாதவராஜ்

புத்தகப் பார்வை – வா.மு.கோமு

சிதம்பர ரகசியம் – கீதா சாம்பசிவம்

வெள்ளை அடிமைகள் – ஜோதிஜி

ஈழம் வந்தார்கள் வென்றார்கள் – ஜோதிஜி

காணாமல் போன நண்பர்கள் – தருமி

தஞ்சையை ஆண்ட மராட்டியர் வரலாறு – தஞ்சை வெ.கோபாலன்

மகாகவி பாரதியார் வரலாறு – வ.ரா

ப்ளாக் தொடங்குவது எப்படி? – அப்துல் பாசித்

கணிதமேதை சீனிவாச இராமானுஜன் – கரந்தை ஜெயக்குமார்

ஏரிகள் நகரம்  நைனிதால் - வெங்கட் நாகராஜ்

ட்விட்டர் கையேடு – Twitamils குழு

கணிதமேதை சீனிவாச இராமானுஜன் – கரந்தை ஜெயக்குமார்

மேலும், கவிதைகள் (POEMS), கதைகள் (STORIES), கட்டுரைகள் (ARTICLES) என்று படைப்பாளிகளின் படைப்புகளையும் இங்கு காண முடிகிறது.

பத்திரிகைகள் (MAGAZINES):

பத்திரிகைகள் என்ற பிரிவில் பலரும் தங்கள் மின் இதழ்களை இங்கு இணைத்துள்ளனர். 

அகல் – மாதம் ஒருமுறை வரும். மின்னிதழ். முதல் பக்கம் என்ற தலைப்பில் அந்தந்த மாத இதழ் பற்றிய முன்னுரை மற்றும் படைப்பாளிகளின் கட்டுரைகள், கதைகள், கவிதைகள் என்று ரசனையான அம்சங்கள்.

அகம் என்று மற்றொரு மாத மின்னிதழ். அகல், அகம் பெயர்க்குழப்பம் பிரதிலிபியைப் படிக்கும்போது தவிர்க்க இயலாது போலிருக்கிறது.

தளம் – இது ஒரு கலை இலக்கிய காலாண்டு இதழ். ஆசிரியர் பாரவி.

படிகம் – நவீன கவிதைக்கான இதழ் – ஆசிரியர் ரோஸ் ஆன்றா.

தமிழ் – இலவச மின்னிதழ் காலாண்டு. ஆசிரியர் சி.சரவண கார்த்திகேயன்.

பிராமின் டுடே _ மாத இதழ். ஆசிரியர் எஸ்.எஸ்.வாசன்.( செப்டம்பர் 2015 இதழில் ’பிராமணர்களும் கலப்புத் திருமணங்களும்’என்ற சிறப்புக் கட்டுரை )

சிகரம் – ஈரோட்டிலிருந்து வெளிவரும் ஒரு காலாண்டு இதழ். ஆசிரியர் சந்திரா மனோகரன்.

சல்லிகை – கலை, இலக்கிய இணைய இதழ். ஆசிரியர் கால பைரவன்.

இன்மை.காம் -

சிறகு – ஆசிரியர் சிறகு இரவிச் சந்திரன்.

காவிரிக்கதிர் – ஆசிரியர் கோமல் அன்பரசன். மாயவரத்திற்கு என்று அவ்வூர் பற்றிய செய்திகள், கட்டுரைகள் தாங்கி வரும் மாத இதழ்.

கொலுசு – கவிதைகள் அடங்கிய மின்னிதழ்.

அருளமுது –பெரும்பாலும் கிறிஸ்தவம் சார்ந்த இலக்கிய மின்னிதழ்.

எல்லா மின்னிதழ்களும் தொடர்ச்சியாக இணைக்கப்படுவது போல் தெரியவில்லை. தேவைப் படுவோர் அந்தந்த இதழ்களின் இணையதளம் சென்றுதான் தொடர வேண்டும் போலிருக்கிறது. 

  

வேண்டுகோள்:

பொதுவாகக் கம்ப்யூட்டரில் சேமிக்கப்படும் இடுகைகள் (பதிவுகள்) ஒன்றின் மேல் ஒன்றாக அடுக்கப்பட்டு வரும். முதலில் வைக்கப்பட்ட பதிவு அடியிலும், கடைசியில் வைக்கப்படும் பதிவு புதிதாக மேலேயும் நிற்கும். ஆனால் ப்ரதிலிபியில் புதிதாகச் சேர்க்கப்படும் விவரங்கள் (படைப்புகள் அனைத்தும்) ஒன்றன் பின் ஒன்றாக, வரிசையாக, அடியில் சென்று சேர்ந்து விடுகின்றன. .இதனால் ப்ரதிலிபியில், சம்பந்தப்பட்ட பக்கத்தைத் திறந்ததும் எப்போதும், பழைய இடுகைகளே முன்னிற்கின்றன. புதியவற்றை  பார்க்க அடிப்பக்கம் வரை ஸ்க்ரோல் செய்ய வேண்டி உள்ளது.

இது குறித்து ப்ரதிலிபியின் தமிழ் பக்கத்தின் பொறுப்பாளராக இருக்கும், திலீபன் அவர்களிடம் செல்போனில் பேசினேன்.; இதே குறைபாட்டினை  நிறையபேர் சொல்லி இருப்பதாகவும், விரைவில் சரி செய்யப்படும் என்றும் தெரிவித்தார். இன்னும் சிறப்பாக தமிழ்மணம், தேன்கூடு போன்ற திரட்டிகளின் அமைப்பில் இதன் இணையதளம் அமைந்தால் நன்றாக இருக்கும்.

பயன்படும் இணையதளங்கள் – 2

நான் அடிக்கடி எனக்காகவும், மற்றவர்களுக்காகவும் பயன்படுத்தும் இணையதளங்களைப் பற்றிய சிறு குறிப்புகளை சென்றமுறை பயன்படும் இணையதளங்கள் – 1 ( http://tthamizhelango.blogspot.com/2014/06/1_4262.html ) என்ற தலைப்பினில் தந்து இருந்தேன். இப்போது இன்னும் சிலவற்றை இங்கே குறிப்பிட்டுள்ளேன்.

எல்லோருக்கும் நன்கு தெரிந்த அடிக்கடி பயன்படும் தளங்களை இங்கு மீண்டும் சொல்லி உங்கள் நேரத்தை வீணடிக்க விரும்பவில்லை. கீழே உள்ள இணையதள முகவரிகளை சொடுக்கினால் (CLICK) இந்த பதிவிலிருந்தே ஒவ்வொன்றையும் பார்க்கலாம்.

கூகிள் ஆன்லைன் கால்குலேட்டர்

http://www.online-calculator.com/full-screen-calculator

மேலே உள்ள இணையதளம் சென்றால், உங்களுக்கு கூகிளின், முழுப்பக்க கால்குலேட்டர் கிடைக்கும். அதனை உங்கள் கம்ப்யூட்டரில் புக்மார்க்கில் சேமித்து வைத்துக் கொண்டால் தேவைப்படும்போது பயன்படுத்திக் கொள்ளலாம்.

xxxxxxxxxxxx

  

பொதுவானவை: 

www.wikihow.com  நான் பள்ளி மாணவனாக இருந்த காலத்தில் ( ஐம்பது ஆண்டுகளுக்கு முன்) ’READERS DIGGEST’ பாணியில் ’கல்கண்டு ’என்ற வாரப் பத்திரிகை வந்து கொண்டிருந்தது. இதன் ஆசிரியர் தமிழ்வாணன். (இப்போது இவரது மகன் லேனா தமிழ்வாணன் அவர்கள் தொடர்ந்து நடத்தி வருகிறார் என்று நினைக்கிறேன்.) அப்போது குமுதம் பத்திரிகை அச்சுக் கூடத்திலேயே, கல்கண்டும் அச்சிடப்பட்டதால், குமுதம் இதழ் வெளியாகும் அதே தினத்தில் இதுவும் வெளிவந்தது. அதில் அப்போதே எதை எப்படிச் செய்வது என்று கேள்விகள் எழுப்பியபடி, செய்முறை கட்டுரைகள் வெளிவரும்.  அதேபோல ஆங்கிலத்தில் உள்ள wikihow என்ற இணையதளம் ’எப்படி?’ என்ற பல வினாக்களுக்கு விடைதரும். உதாரணத்திற்கு சில கேள்விகள்.

How to Dress in a Sari?

How to Replace a Bicycle Tire?

How to Heal a Broken Heart?

How to Drive a Tractor?

என்று பல்வேறு துறைகள் சம்பந்தப்பட்ட வினாக்களுக்கு இங்கே விடை கிடைக்கும்.

xxxxxxxxxxxxxxx 

www.gcflearnfree.org இந்த இணையதளத்தில் தொழில் நுட்பம் (Technology), வாசிப்பு (Reading), கணிதம் (Maths), மைக்ரோசாப்ட் ஆபிஸ் (Microsoft Office), வேலை மற்றும் வேலை வாய்ப்பு ( Work and Career), அன்றாட வாழ்க்கை (Everyday Life), ஜீசிஎப் பரிசோதனைகள் (GCF Labs) மற்றும் மொபைல் தகவல்கள் (Mobile Apps) என்று ஏராளமான தகவல்களைத் தெரிந்து கொள்ளலாம். இதுவன்றி ஆன் லைன் வகுப்புகளும் உண்டு. அனைத்தும் இலவசம்.

கணினிப் பயிற்சி:

http://techforelders.blogspot.in/2010/11/blog-post.html ’தொண்டுகிழங்களுக்கு கணினி’ என்ற பெயரில் மேலே உள்ள வலைப்பூ (Blogspot) ஒன்றை  வாசுதேவன் திருமூர்த்தி என்பவர் நடத்தி வருகிறார். இந்த தளத்தில் எளிமையான தமிழில், கம்ப்யூட்டர் தொடங்கி, வலைப்பூ வரை விளக்குகிறார். இந்த தளத்தில் பிரபல வலைப்பதிவர் கீதா சாம்பசிவம் அவர்கள் நிறைய பின்னூட்டங்களை எழுதியுள்ளார். இதுவொன்றே இந்த தளத்தின் பெருமையை விளக்கும். 

பழைய வாகனங்கள்:

 

நாம் நமது பழைய வாகனங்களை விற்கும் போதோ அல்லது வாங்கும் போதோ, என்ன விலை போகும் அல்லது என்ன விலைக்கு வாங்கலாம் என்பதனைத் தெரிந்து கொள்ள கீழே  உள்ள இணைய தளங்கள் உதவும்.

www.bikes4sale.in/bike-prices.php

www.carwale.com/used/carvaluation

                                     

(ALL  PICTURES COURTESY: GOOGLE IMAGES)

பயன்படும் இணையதளங்கள் – 1

இண்டர்நெட்டில் (INTERNET) இன்று எவ்வளவோ விஷயங்கள். நமக்கு அடிக்கடி பயன்படும் தளங்களும் இருக்கின்றன. குப்பைகளும் இருக்கின்றன. ”சிறு துரும்பும் பல் குத்த உதவும்” – இது அவரவர் பயன்பாட்டைப் பொறுத்தது. இங்கு நான் அடிக்கடி எனக்காகவும், மற்றவர்களுக்காகவும் பயன்படுத்தும் இணையதளங்களைப் பற்றிய சிறு குறிப்புகளைத் தருகிறேன். எல்லோருக்கும் நன்கு தெரிந்த அடிக்கடி பயன்படும் தளங்களை இங்கு மீண்டும் சொல்லி உங்கள் நேரத்தை வீணடிக்க விரும்பவில்லை. கீழே உள்ள இணையதள முகவரிகளை சொடுக்கினால் (CLICK) இந்த பதிவிலிருந்தே அவை ஒவ்வொன்றையும் பார்க்கலாம்.

இன்றைய தேதி, கிழமை காலநிலை  எப்படி?

www.timeanddate.com

நீங்கள் இருக்கும் இடத்தின் இன்றைய தேதி, கிழமை, உள்ளூர் நேரம் இவற்றை மிகவும் துல்லியமாகக் காட்டும் இணையதளம் இது. மேலும் இன்று,நாளை, நாளை மறுநாள் இருக்கப் போகும் காலநிலை (CLIMATE) இவைகள் குறித்தும் முன்னதாகவே அறிந்து கொள்ளலாம். மேலும் அதிகப்படியான தகவல்களும் உண்டு.

http://easycalculation.com/date-day/age-calculator.php

உங்களுக்கு வயது என்ன? பேப்பர் பென்சிலை வைத்துக் கொண்டு கணக்கு போடுவதை விட , மேலே குறிப்பிட்ட இணையதளம் சென்று ந்மது பிறந்த தேதியைத் தந்தால் போதும், நமக்கு எத்தனை வயது, மாதம், வாரம், நாள், நிமிஷம் என்ற விவரம் வந்துவிடும். இது பற்றி ஏற்கனவே தனியாகவும் ஒரு பதிவு எழுதி இருக்கிறேன்.

ஜோதிடத்தில் நம்பிக்கை உள்ளவர்களுக்கு கீழே சொன்ன இணையதள தகவல்கள் பயன்படும்.

http://srirangaminfo.com/nakshatra-calculator-find-birth-star.php

மேலே உள்ள இணையதளத்தில் உங்களுடைய பிறந்தநாள், நேரத்தைக் கொடுத்துவிட்டு உங்களுடைய பிறந்த நட்ச்சத்திரம் மற்றும் இராசி கணனம் இவற்றைத் தெரிந்து கொள்ளலாம். அதேபோல் இன்று பிறந்த குழந்தைக்கும் இந்த விவரங்களைத் தெரிந்து கொள்ளலாம்.

http://srirangaminfo.com/Tamil-daily-calendar.php

காலையில் எழுந்தவுடன் தினசரி நாட்காட்டியில் தேதியை கிழித்துவிட்டு, இன்று என்ன சொல்லி இருக்கிறது என்று படிக்கிறோம். இந்த இணையதளம் சென்றால் அந்த நாட்காட்டி விவரத்தைக் காணலாம்.

www.dailythanthi.com/Astrology/AstroBenefits 

www.dinamalar.com/rasi.asp?id=40

நாள், நட்சத்திரம், ராசி பலன், பிறந்தநாள் பலன், எண் ஜோதிடம் இவைகளுக்கு மேலே சொன்ன தினத்தந்தி, தினமலர் இணைய தளங்கள் செல்லவும்.

காய்கறி - தினசரி விலை விபரம்

http://oddanchatramvegetablemarket.com

மேலே உள்ள இணையதளம் ஒட்டன்சத்திரம் மற்றும் திண்டுக்கல் சந்தைகளின் தினசரி காய்கறிகள், பழ வகைகள், மற்றும்  விலை விபரத்தினையும் அதனை நடத்தும் கடை முகவர்களின் தொடர்பு முகவரியினையும் அளிக்கிறது

மளிகை பொருட்கள்:

வீட்டில் இருந்தபடியே இன்றைய மளிகை சாமான்களின் விலையை கீழே உள்ள இணைய தளங்கள் மூலம் தெரிந்து கொள்ளலாம்.

www.chennaionlinegrocery.com

www.maligakadai.com  

அயல்நாட்டுப் பொருட்கள்:

இப்போது நாடெங்கும் வெளிநாட்டுப் பொருட்கள் குறிப்பாக சீன பொருட்கள் கிடைக்கின்றன. பர்மாபஜார் பக்கம் அவர்கள் சொல்வதுதான் விலை. நமக்கும் அவர்கள் சொல்லும் விலை சரியானதுதானா அல்லது என்ன விலைக்கு அவர்களிடம் பேரம் பேசுவது என்ற சந்தேகம் வரும். உங்கள் சந்தேகத்தை தீர்க்கும் வண்ணம் சீன பொருட்களின் விலையை கீழே உள்ள தளங்கண் மூலம் தெரிந்து கொள்ளலாம்.

http://helpingindia.com/made-in-china-m-110

www.made-in-china.com

நுகர்வோர் (CONSUMER)

www.compareindia.com

இந்த இணையதளத்தில் நாம் வாங்க நினைக்கும் பொருட்களைப் பற்றிய முழு விவரத்தினையும் அதே போன்ற மற்ற பொருட்களின் ஒப்பீட்டையும் காணலாம்.

www.complaintsboard.com

www.consumercomplaints.in

www.mouthshut.com

மேலே சொன்ன  இணையதளங்களில் நாம் வாங்க நினைக்கும் அல்லது வாங்கிய பொருட்களைப் பற்றிய மற்றவர்களது அனுபவங்கள் மற்றும் குறைகளைக் காண்லாம். நாமும் நமது அனுபவங்களையும் குறைகளையும் சொல்லலாம்.

கணக்கீடுகள் ( CALCULATIONS)

www.metric-conversions.org

நமது இந்தியா குடியரசாக மாறிய பிறகு ஏப்ரல் 1, 1957 முதல் நமது நாட்டில் மெட்ரிக் முறை அமுலுக்கு வந்தது. ஆனாலும் நாம் இன்னும் நமது நாட்டில் பழைய அளவுகளையே பழக்கத்தில் சொல்லிக் கொண்டு இருக்கிறோம். இதனால் அடிக்கடி  நமக்கு ஒரு மீட்டர் என்றால் எத்தனை அடி?; எத்த்னை கிலோ மீட்டர் ஒரு மைல்? போன்ற சந்தேக வினாக்கள் வந்து கொண்டே இருக்கும். இவற்றை தீர்த்து வைக்கும் இணையதளம் இது.

http://everydaycalculation.com

இந்த இணையதளத்தில், உங்களுடைய சேமிப்புக் கணக்கு(SAVINGS BANK), தொடர் வைப்பு (RECURRING DEPOSITS), பிக்ஸட் டெபாசிட்டுகள்(FIXED DEPOSITS), வீட்டுக் கடன் (HOME LOAN) போன்ற அனைத்து கணக்குகளுக்குமான வட்டி, முதிர்வுத் தொகை போன்றவற்றை கணக்கிட்டுக் கொள்ளலாம். மேலும் உடல்நலம், கட்டிட வேலை சமபந்தமான கணக்கீடுகளையும் மற்ற கணக்குகளையும் நீங்களே போட்டு தெரிந்து கொள்ளலாம்.

பயணம் செய்யும்போது

http://distancebetween.info

நாம் பயணம் செய்ய வேண்டிய ஊர் எவ்வளவு தொலைவில் உள்ளது, பயண நேரம், பஸ் கட்டணம், சாலை வழியே பயணம் செய்யும் போது எது நேர்வழி – முதலான விவரங்களை மேலே சொன்ன இணையதளத்தில் தெரிந்து கொள்ளலாம்.

பயனர் பெயர் (USERNAME)

http://checkusernames.com

http://namechk.com

நாம் நமது பெயரைக் கொண்டோ அல்லது விருப்பமான பெயரைக் கொண்டோ வெவ்வேறு தளங்களில் இமெயில் போன்ற பல கணக்குகளை தொடங்குகிறோம். நாம் தொடங்க விரும்பும் பயனர் பெயர் (USERNAME) தற்சமயம் எந்தெந்த தளங்களில் இருக்கிறது , தொடங்கலாம் என்பதைக் காட்டும் இணைய தளங்கள் இவை.

பின்கோடு (இந்தியா)

www.pin-code.co.in

இந்த இணைய தளத்தில், உங்களுக்குத் தெரிந்த பின்கோடு (இந்தியா) எண்ணைக் கொடுத்தால், அந்த தபால் அலுவலகம் இருக்கும் இடத்தின் முழு விவரங்களையும் (மேப் உள்பட) தந்துவிடும். அதே போல உங்களுக்குத் தெரிய வேண்டிய தபால் நிலையம் பற்றி பெயரைக் கொண்டும் தெரிந்து கொள்ளலாம்.

செல்ல நாய்கள்:

www.pedigree.com

என்ற தளத்தில் செல்லநாய்களின் வகைகள், அவற்றிற்கான உணவு, வளர்க்கும் முறை, ஒரு நாயின் வயது என்பது மனிதனின் வயதோடு ஒப்பிடும்போது என்ன என்பது போன்ற பல விவரங்களை காணலாம்,.

பொன்மொழிகள் (GOLDEN SAYINGS)

www.quotesvalley.com

www.brainyquote.com

www.goodreads.com/quotes

www.worldofproverbs.com

www.quotesbuddy.com

உங்களுக்குத் தேவையான அறிஞர்களின் பொன்மொழிகளை மேலே கண்ட இணையதளங்களில் பெற்றுக் கொள்ளலாம்.

நகர்ப்புற விவரம்:

www.livechennai.com

மேலே உள்ள இணையதளம் மூலம் சென்னையைப் பற்றிய காய்கனி விலையிலிருந்து ரியல் எஸ்டேட் வரை அன்றாட முழு விவரங்களைத் தெரிந்து கொள்ளலாம். மேலும் திருச்சி, மதுரை, கோவை போன்ற மற்றைய ஊர்களின் விவரங்களையும் தெரிந்து கொள்ளலாம்

(PICTURES THANKS TO GOOGLE)