புதுக்கோட்டை அழைக்கின்றது!

வலைப்பதிவர்கள் சந்திப்பு, அடுத்தமாதம் புதுக்கோட்டையில்  11.10.2015 ஞாயிறு அன்று  நடக்கவிருக்கிறது வலைப்பதிவர்களில்  பலர் தத்தம் வலைப்பதிவுகளில் இந்த சந்திப்பிற்கு வரச் சொல்லி அழைக்கத் தொடங்கி விட்டனர். நானும் எனது பங்கிற்கு இரண்டு அல்லது மூன்று பதிவுகளை எழுதி உள்ளேன். பல நண்பர்கள் ஆடி வா, பாடி வா, ஓடி வா என்றெல்லாம் அவரவர் பாணியில் கவிதைகள், கட்டுரைகள் எழுதி அசத்தி விட்டனர். எனக்கு என்ன பண்ணுவது என்று கையும் ஓடவில்லை; காலும் ஓடவில்லை. எனவே எனக்குத் தெரிந்த Microsoft Picture Manager, Paint மற்றும் Photoscape வித்தைகளைக் கொண்டு, கூகிளில் கிடைத்த  சில படங்களை மாற்றம் செய்து இங்கு அழைப்பு தந்துள்ளேன். நண்பர்கள் எப்போதும் போல ஆதரவு தர வேண்டுகிறேன்.